اسلام آباد۔ 09اپریل (اے پی پی) بینکاری نا جم صنعت اٹی 2025اسکان اسلامی بینکاری نا بشخ ءِ اسہ تہائی اسکان ودفنگک۔ اسٹیٹ بینک آف پاکستان (ایس بی پی) پاکستان اٹی اسلامک بینکنگ نا صنعت نا مون آ دننگ کن مسٹ میکو پنچ سالہ ڈٹ 2021-25لانچ کرینے۔ تدوک آ اِرادہائی ٹی ایس بی پی نا گام گیج آتے ٹی بینکنگ نا جم صنعت اٹی اسلامی بینکاری نا بشخ 20درسد اسکان ودانے۔ ایس بی پی نا رپورٹ نا رداٹ پاکستان اٹی اسلامی بینکاری نا بشخ انا شونداری نا بھلو گمان اس ساڑی ءِ و زیات تربینکنگ صارف بینکاری نا جاگہ غا اسلامک بینکنگ ءِ اولیت ایترہ۔ مرکزی بینک انا اسلامی بینکاری نا بشخ انا مون آ دننگ نا بابت بناکروک مسٹ میکو پنچ سالہ ڈٹ انا رداٹ 2025اسکان بینکنگ نا جم صنعت اٹ اسلامک بینکنگ نا میرات و ڈیپازٹ آتا بشخ ءِ 30 درسداسکان ودفنگ کن گام گیج کننگک وخت اس کہ داوخت اٹی بینک برانچ آتا جم نیٹ ورک اٹی اسلامی بینکاری نا برانچ آتا بشخ 35 درسد اسکان ودفنگک۔ داکان بیدس ڈٹ انا رداٹ سال 2021آن 2025ء ٹی ایس ایم ایز و کشاری بشخ آتے وام تا جم فراوانی ٹی اسلامک بینکنگ نا وام تا جاری کننگ نا شرح ءِ بالترتیب 10 و 8 درسد اسکان ودفنگک۔ یات سلے کہ تدوک اِرادہائی ٹی مرکزی بینک انا ڈٹ بندی نا رداٹ بینکاری نا جم صنعت اٹی اسلامک بینکنگ نا صنعت نا بشخ 20 درسد اسکان ودانے ہراٹی شونداری نا بھلو وارخواہی اس ساڑی ارے۔
