اسلام آباد۔ 09اپریل (اے پی پی) بنجائی وزیر امور کشمیر و گلگت بلتستان علی امین خان گنڈاپور مقبوضہ کشمیر اٹی بھارتی ریاستی دہشت گردی نا مذمت ءِ کرسا پارینے کہ بھارتی کوزہ گیر فوج کشمیری ورناتے پن انا سرچ آپریشن تیٹی شہید کننگ ءِ۔ تینا بیان اٹی علی امین گنڈاپور پارے کہ جہانی برادری مقبوضہ کشمیر اٹی بھارتی ریاستی دہشت گردی نا دمدستی نوٹس ءِ ہلے، بھارتی گام گیج آتا مسخت مقبوضہ کشمیر نا ڈیموگرافی ءِ بدل کننگ ءِ۔ ظلم و بربریت اٹ بھارت کشمیری تا حق خودارادیت نا جہد ءِ توننگ کپک، کشمیر نا ویل آ پبی پیش رفت آن بیدس بھارت تون تعلقداری مست آنبار مننگ کپسہ، کشمیر نا ویل انا ساف ایسری آن بیدس سویلی ایشیاٹی دیرپاامن مننگ کپک۔
