اسلام آباد۔ 09اپریل (اے پی پی) وزیراعظم عمران خان نا خصوصی پارت آ روچہ ریلیف پیکج 2021ء نا اطلاق ہفتہ غامریک و 19 المی آ گڑاتیا 7 ارب 80 کروڑ روپئی سبسڈی فراوان کننگک۔ یوٹیلیٹی اسٹورز کارپوریشن نا ترجمان نا رداٹ دا ریلیف پیکج نا رداٹ یوٹیلیٹی اسٹورز کارپوریشن (یوایس سی) ءِ بے کچ المی 19گڑاتیا 7 ارب 80 کروڑ روپئی نا سبسڈی فراوان کننگک۔ اوپارے کہ روچہ پیکج اٹ ای سی سی ہراگڑاتیا سبسڈی نا منظوری ءِ تسوسس اونا رداٹ نت20کلو نا تھیلا800، سی170 روپئی فی کلو، بورہ 68روپئی فی کلو ٹی بہامریک وخت اس کہ چڑیانا دال آ 15روپئی، مونگ دال آ 10، دال ماش آ 10، خیسن آ دال آ 30، پیہن آ چنا آ 25، بیسن آ 20، اِلار آ 20، سپرباسمتی برنج آ 10، سیلا برنج آ 10، ٹوٹا برنج آ 12، شربت آ 25، پتی آ 50، پال آ20 ومصالحہ غاتیا 10 روپئی سبسڈی تننگ انگ ءِ۔ اوپارے کہ یوٹیلیٹی اسٹور آ بورہ غا40، سی آ 20، تیل آ 20، اِلار تیا 20 و برنج آ 10 روپئی فی کلو نا حساب اتون اوار ایلو کنوئی آگڑاتیا ہم سبسڈی تننگک۔ اوپارے کہ ہندی مارکیٹ اٹی سی، بورہ وخولم نا نت انا نمان پرخ مس و مچ آ ملک اٹی ساڑی 4 ہزار یوٹیلیٹی اسٹورتیا المی آ گڑاتا دوئی کننگ ءِ پک کننگ کن 10 اپریل آن اوفتا ہلنگ نا بناءِ کننگک۔
