اسلام آباد۔ 08اپریل (اے پی پی) وزیراعظم عمران خان پارینے کہ کورونا دین انا حالیت آتیان پدتموک ملک آتے زیات نسخان رسینگا، مخلوق ءِ بیرہ کورونا غان آخا بلکن بے روزگاری آن بچفنگ ءِ، لکھ آ بندغ آک بے روزگار و کروڑ آ وامدار مسر، دنیا نا چندی ملک آتے اسہ ایلو تون اواری اٹ کاریم کروئی مریک۔ ڈی ایٹ فورم ءِ دودوربیدگ، تعلیم و کشاری بشخ انا مون آ دننگ کن کاریم اٹ اتنگ مریک۔ داخیال آتا درشانی ءِ او پنچ شنبے نادے آ 10 می ڈی ایٹ ورچوئل سمٹ آن تران کرسا کرے۔ وزیراعظم پارے کہ ڈی ایٹ تدوک آ 4 سال آن گچین وڑاٹ کڑد ادا کننگ ءِ، کورونا دین انا سوب آن کروڑ آ مخلوق وامدار مس وخت اس کہ لکھ آ بندغ آک بے روزگار مسر و دنیا نا زرگزران تے بھاز نسخان رسینگا۔، اوپارے کہ ننے ورناتے پوسکنءُ پلیٹ فارم اس تروئی مریک، کورونا دین پدتموک ملک آتے زیات نسخان تسنے۔ ننے ورناتے تعلیم تون کسب ہیل تروئی مریک۔ اوپارے کہ ٹیکنالوجی نا بابت ڈی ایٹ ءِ پوسکن ءُ گام گیج کروئی مریک، پدتموک ملک آتے ٹیکنالوجی نا مون آ دننگ کن گام گیج کروئی مریک۔ اوپارے کہ مخلوق ءِ بیرہ کورونا غان آخا بلکن بے روزگاری آن ہم بچفنگ ءِ۔ وزیراعظم پارے کہ ڈی ایٹ فورم ءِ گچین وڑاٹ کاریم اٹ اتنگ مریک۔ دنیا نا ملک آتے اسہ ایلو تون اواری اٹ کاریم کروئی مریک، ڈی ایٹ نا فورم ءِ دودوربیدگ و کشت وکشار نا بشخ انا مون آ دننگ کن کاریم اٹ اتوئی مریک، ڈی ایٹ رکھ خور و گوازی تا بشخ اٹ ہم تینا کڑد ءِ ادا کننگ کیک۔ اوپارے کہ ڈی ایٹ باسک ملک آک آخبت ءِ مون آ تخسا ڈٹ وڈول جوڑ کیر۔
