اسلام آباد۔ 08اپریل (اے پی پی) وزیراعظم عمران خان پوسکن آ پاکستان ہاؤسنگ اتھارٹی نا ڈٹ فراش ٹاؤن اپارٹمنٹس اسلام آباد نا بنداو ءِ تخا۔ دا ڈٹ ایف ڈبلیو او، سی ڈی اے و پوسکن آ پاکستان ہاؤسنگ اینڈ ڈویلپمنٹ اتھارٹی نا شریداری اٹ 3سال انا مداٹ پورو مریک۔ پنچ شنبے نادے آ وزیراعظم آفس نا میڈیا ونگ انا کنڈآن جاری بیان نار داٹ ڈٹ اٹی پوسکن آ آسراتی تیان شپ 3960فلیٹ جوڑ کننگک ہرا رہینگوک آتے اڑزان ہنکین فراوان کیک۔ 84 ایکڑ آ تالان دا ڈٹ اٹی وزیراعظم نا ویژن نا رداٹ متوسط تپہ و کچہ انگا آبادی تا رہینگوک آتیکن خاص وڑاٹ فلیٹ جتا کننگانے۔ ڈٹ انا ماحولیاتی پلو ءِ مون آ تخسا گرین بیلٹس و پارکس انا جوڑ کننگ ءِ ہم خاص اولیت تننگانے۔ وزیر اعظم داوخت آ نیال اس ہم خلک۔ وزیراعظم نا ساڑی گری ٹی ڈٹ انا ایم اویو آ ہم دستخط کننگا۔ دود اٹی بنجائی وزیر داخلہ شیخ رشید احمد، وزیراعظم نا خصوصی کمکار ذوالفقار عباس بخاری، سینیٹر فیصل جاوید، چیئرمین پوسکن آ پاکستان ہاؤسنگ اینڈ ڈویلپمنٹ اتھارٹی لیفٹیننٹ جنرل (ر) انور علی حیدر و تعلقدار بڑزکو آفیسر آک ہم ساڑی ئسر۔
