اسلام آباد۔ 08اپریل (اے پی پی) اسپیکر قومی اسمبلی اسد قیصر تینا اوغان ہم منصب ءِ باورکرفینے کہ سیکورٹی حالیت آتا گچین مننگ آ زوت اوغانستان آ بریوہ، اوغانستان اٹی دیرپاامن کن پاکستان تینا کڑد ءِ ادا کرسا کیک۔ پنچ شنبے نادے آ اسپیکر نا دورہ اوغانستان ملتوی مننگ آن پد اوغان چیئرمین سینیٹ فضل ہادی مسلم یار و اسپیکر ولوسی جرگہ میر رحمان رحمانی ئسک اسپیکر قومی اسمبلی اسد قیصر ءِ جتا جتا فون کریر۔ گپ وتران اٹی اسپیکر اسد قیصر نا دورہ ملتوی مننگ نا معاملہ غا گپ وتران کننگا۔ اوغان پارلیمنٹ نا سروک پارے کہ پاکستانی ڈل انا جہاز سیکورٹی گڑتی تا سوب آن دڑنگ کتو۔ اسپیکر وولوسی جرگہ پارے کہ پاکستانی ڈل انا سیکورٹی ہرگڑاغا مقدم ءِ۔ اومیت ءِ بھاز زوت پاکستان نا پارلیمانی ڈل کابل نا دورہ غا بریک۔ اسپیکر پارے کہ سیکورٹی حالیت آتا گچین مننگ آ زوت اوغانستان آ بریوہ۔ اوغانستان اٹی امن و سوگوی کن پاکستان تینا کڑد ءِ ادا کرسا کیک۔ اوپارے کہ اوغانستان تون تعلقداری ءِ بھاز عزت نا نظر اٹ ہرنہ۔
