اسلام آباد۔ 08اپریل (اے پی پی) وزیر خارجہ مخدوم شاہ محمود قریشی پنچ شنبے نادے آ آرمڈ فورسز انسٹیٹیوٹ فار ری ہیبیلٹیشن میڈیسن راولپنڈی نا دورہ ءِ کرے۔ آرمی میڈیکل کورانا سروک لیفٹیننٹ جنرل نگار جوہر و آرمڈ فورسز انسٹیٹیوٹ فار ری ہیبیلٹیشن میڈیسن نا سروک کمانڈنٹ میجر جنرل ظفرعلی و انسٹیٹیوٹ نا انتظامیہ وزیر خارجہ ءِ بخیرکریر۔ وزیر خارجہ آرمڈ فورسز انسٹیٹیوٹ فار ری ہیبیلٹیشن میڈیسن نا سوزہ زار اٹی نیال اس خلک۔ وزیر خارجہ ءِ آرمڈ فورسز انسٹیٹیوٹ فار ری ہیبیلٹیشن میڈیسن نا دنگ و کارکڑد نا بابت سرجم حوال تننگا، اوکان پد وزیر خارجہ چندی وارڈ آتا دورہ ءِ کرے و درمان مروک پاک فوج انا باہمت و پرعزم ورناتتون اوڑدہی کرے۔ وزیر خارجہ آرمڈ فورسز انسٹیٹیوٹ فارری ہیبیلٹیشن میڈیسن اٹ تروک آ طبی آسراتی تا ستاءِ کرے۔ وزیر خارجہ درمان مروک ورناتا عزم و حوصلہ ءِ دادتس۔ اوپارے کہ ننا نرزور فوج و کانود نافذ کروک آ ادارہ غاک دہشت گردی نا برخلاف جنگ اٹ بے مٹ قربانی تسنو۔ مچ آ قوم سوگو ءُ دیوال اسے آنبار دہشت گردی نا برخلاف داجنگ اٹ پاک فوج اتون ہم کوپہ سلوک ءُ۔ آرمڈ فورسز انسٹیٹیوٹ فار ری ہیبیلیٹیشن میڈیسن، ملک اٹی مصنوعی عزوہ غاتا غٹ آن بھلا و پوسکن انگا مرکز ءِ ہراڑے خاص وڑاٹ جنگ انا پڑآ ٹھپی مروک آ فوجی تے درمان کن اتنگک۔
