اسلام آباد۔ 08اپریل (اے پی پی) وزارت قومی جان جوڑی نا ترجمان پارینے کہ ڈاکٹر فیصل سلطان نا کماشی ٹی وزارت جان جوڑی ٹی اصلاحات کننگ انگ ءِ، الس ءِ آب اٹ درمان نا آسراتی نا فراوانی ءِ پک کننگ انگ ءِ، جان جوڑی نا بشخ اٹی گچینی کن عملی و گچین گام گیج کننگ انگ ءِ۔ پنچ شنبے نادے آ وزارت جان جوڑی نا کنڈآن جاری بیان اٹی ترجمان پارے کہ آئیسولیشن ہسپتال و انفیکشیئس ٹریٹمنٹ سینٹر نا بناءِ جولائی 2020اٹی کننگاسس۔ کورونا دین اتون مون تننگ کن خاص و شاندار ویکسینیشن سینٹر جوڑ کرینن۔ الس ءِ آب اٹ درمان نا آسراتی تا فراوانی ءِ پک کننگ انگ ءِ۔ اوپارے کہ آئی ایچ آئی ٹی سی 250کٹ آتیا تالان کورونا نا پوسکن انگا ہسپتال ءِ۔ وزارت قومی جان جوڑی آئیسولیشن ہسپتال نا انتظام و انصرام جنوری 2020اٹی سنبھالاسس۔ بناء آ آئیسولیشن ہسپتال 35 کٹ آتون خذمت آتا بناءِ کریسس۔ مسٹ میکو کورونا ریسہ ٹی وزارت جان جوڑی آئیسولیشن ہسپتال نا کاریم نا کچ اٹی ودکی کرینے۔ آئیسولیشن ہسپتال 105کورونا کٹ آتون پبی فعال ءِ۔ ایسولیشن ہسپتال اینڈانفیکشنز ٹریٹمنٹ سینٹر ءِ اپ گریڈ کرینن۔ ترجمان نا رداٹ آئیسولیشن ہستپال اٹی 52 ڈاکٹرز، 86پیرامیڈیکل اسٹاف خدمت سرتننگ ءُ۔ آئیسولیشن ہسپتال نا کاریم نا کچ ءِ پین ودفنگ آ کاریم برجاءِ، آئیسولیشن ہسپتال نا کاریم نا کچ ءِ 150 کٹ اتسکان ودفنگک۔ ہسپتال ءِ پوسکن آ وڑوڈول آتیا اتنگ انگ ءِ۔ آئیسولیشن ہسپتال اٹی آکسیجن سپلائی نا سینٹر الائزڈ سسٹم نصب ءِ۔ آئیسولیشن ہسپتال اٹی پیتھالوجی لیب انا آسراتی دستیاب ءِ۔ آئیسولیشن ہسپتال اٹی پی سی آر ٹیسٹ انا آسراتی زوت دوئی مریک۔ آئیسولیشن ہسپتال تون پوسکن انگا طبی آسراتی تیان شپ ایمبولینس نا آسراتی دوئی ءِ۔ آئیسولیشن ہسپتال اٹی ماس ویکسینیشن سینٹر 16مارچ 2021ء آ جوڑ کننگاسس۔ ماس سینٹر نا ہڑدے ئی لائخی 4000بندغ آتا ویکسینیشن ءِ۔ ماس سینٹر اٹی داتم اسکان 2126بندغ آتا ویکسینیشن کننگانے۔ آئیسولیشن ہسپتال اٹی کورونا نا 86ناجوڑ درمان مننگ ءُ۔ آئیسولیشن ہسپتال اٹی 55 وینٹی لیٹر، 100 بی آئی پی اے پیز دوئی ءِ۔ آئیسولیشن ہسپتال اٹی 250سرنچ پمپ، 19انفیوژن پمپ دوئی ءِ۔ آئیسولیشن ہسپتال اٹی 1الٹراساؤنڈ مشین، 8موبائل ایکسرا یونٹ نا آسراتی دوئی ءِ۔
