اسلام آباد۔ 08اپریل (اے پی پی) الیکشن کمیشن قومی اسمبلی نا حلقہ این اے 75 ڈسکہ ٹی گچین کاری عملہ کن ایس او پی جاری کرینے۔ الیکشنز ایکٹ 2017ایکٹ نا سیکشن 13(2) انا رداٹ پریزائیڈنگ آفیسر/اسسٹنٹ پریزائیڈننگ آفیسر تون سمارٹ فون ساڑی مریک ہراکہ ڈسٹرکٹ ریٹرننگ آفیسر/ریٹرننگ آفیسر/ڈسٹرکٹ ریٹرننگ آفیسر تون رابطہ کن کاریم اٹ اتنگک۔ پولنگ اسٹیشن آ نتیجہ غاتا پڑو نا وخت آ فارم 45ءِ عکس ہلسا الیکشن کمیشن آف پاکستان وریٹرننگ آفیسر ءِ گدریفنگک۔ اگہ پریزائیڈنگ آفیسر تون اسمارٹ فون مف تو داحالت اٹ اسسٹنٹ پریزائیڈنگ آفیسر نا تعیناتی ءِ کننگک تانکہ الیکشنز ایکٹ 2017ء نا سیکشن 13(2) آ عملدرآمد مننگ کے۔ پریزائیڈنگ آفیسر/اسسٹنٹ پریزائیڈنگ آفیسر داہیت ءِ پک کیک کہ گچین کاری نادے اونا سمارٹ فون نا لوکیشن فیچر فعال مرے و فارم 45نا عکس ءِ ہلسا ہم سمارٹ فون نا لوکیشن فیچر فعال مرے۔ پریذائیڈنگ آفیسر/اسسٹنٹ پریزائیڈنگ آفیسر پولنگ اسٹیشن اٹی پولنگ ایجنٹ آتا ساڑی گری ٹی فارم 45نا عکس ءِ ہلیک۔ پریذائیڈنگ آفیسر/اسسٹنٹ پریذائیڈنگ آفیسر فارم 45نا عکس ءِ دمدستی وڑاٹ تعلقدار وٹس ایپ نمبر آ پولنگ ایجنٹ آتا ساڑی گری ٹی گدریفک۔ نیٹ ورک سگنل آتا خرابی نا حالیت اٹ پریذائیڈنگ آفیسر/اسسٹنٹ پریذائیڈنگ آفیسر پولنگ اسٹیشن آ سگنل آتا بحالی نا انتظار ءِ کپک بلکن دمدستی ریٹرننگ آفیسر نا دفترآ سرمریک تانکہ پولنگ ریکارڈ بشمول فارم 45ءِ وخت آ جمع کرفنگ کے تانکہ الیکشن ایکٹ 2017نا سیکشن 90- آ عملدرآمد ءِ پک کننگے۔ پریذائیڈنگ آفیسر/اسسٹنٹ پریذائیڈنگ آفیسر فارم 45اصل ریٹرننگ آفیسر ءِ جمع کرفک و فارم 45نا عکس فرانزک سرجم آتون ریٹرننگ آفیسر ءِ نشان ایتک۔ داوڑنا غٹ باندات آتے ٹی ہرافتے ٹی پریذائیڈنگ /پریذائیڈنگ آفیسر خراب نیٹ ورک سگنل آتا سوب فارم 45نا عکس ءِ ریٹرننگ آفیسر ءِ بذریعہ وٹس ایپ گدریفنگ کتو۔ ریٹرننگ آفیسر پریذائیڈنگ آفیسر/اسسٹنٹ پریذائیڈنگ آفیسر نا سمارٹ فون آن فارم 45نا عکس انا غٹ فرانزک سرجم آتے ہلیک و غٹ فرانزک سرجم آتے ریکارڈ نا بشخ جوڑ کیک۔
