اسلام آباد۔ 08اپریل (اے پی پی) چین پاکستان اقتصادی راہداری(سی پیک) بھلا چیلنج آتا مقابلہ ءِ کننگ آن پد 2021ء ٹی پاکستان نا پوسکن آآخبت نا جوڑ کننگ کن لائخی تخوک علاقہ غاتے ٹی ترندی اٹ مون نا ریسہ ٹی پترینگانے۔ سی پیک اتھارٹی کمامدارآک اے پی پی ءِ پاریر کہ سی پیک 2021ء نا بناء آن کشت وکشار،خصوصی اقتصادی زون، گوادر، ایم ایل ون، ریل نیٹ ورک، بی ٹوبی کاروبار، دوائی جوڑ کننگ نا صنعت، ڈی کاربونیشن، واپار، توانائی نا پوسکنی، آپٹک فائبر کیبل، سائنس اینڈ ٹیکنالوجی، ایکوٹورزم، کلچر، نیومیڈیا، کسبکاری نا شونداری، روزگار ودی کننگ، ہائی ٹیک بنداوی انفراسٹرکچر آ چکار کرے۔ 2021ء ٹی سی پیک کشاری بشخ ءِ مون آ دیک انتئے کہ پاکستان اسہ کشت وکشاری ملک اسے۔ داسال اٹی سی پیک نا سرسہبی نا بابت روشنا گمان ارے۔ درورنا وڑاٹ، خصوصی اقتصادی زون نا بناء، چینی صنعت، کشت وکشار و تعلیم نا تبادلہ، داکان بیدس دا پاکستان و چین نا نیام اٹ سفارتی تعلقداری جوڑ کننگ نا 70 می سال دے ءِ ہرانا مطلب ءِ کہ الس تون زیات رابطہ مریک۔ کمامدارآک پاریر کہ گمان کننگ انگ ءِ کہ ML-1پروجیکٹ اسہ سوگو ءُ بنااس کیک۔ داکان بیدس رشکئی،م دھابیجی و فیصل آباد اٹی شوناری کاریم جوان وڑاٹ برجاءُ۔ ایسٹ بے ایکسپریس ءِ ہم پورو کننگک و گوادر بالی پٹ، ہسپتال و کسبی مرکز آ کاریم آخبتی و جوان وڑاٹ مننگ ءِ۔
