ہری پور۔ 08اپریل (اے پی پی) بنجائی وزیر عمر ایوب خان نا کماشی ٹی ضلع ہری پور اٹی بجلی نا برجا ڈٹ آتا بابت میٹنگ اس مس۔ بنجائی وزیر توانائی، پٹرولیم و قدرتی وسیلہ عمرایوب خان نا کماشی ٹی ضلع ہری پور اٹی برجابجلی نا ڈٹ آتا بابت میٹنگ اس اڈتننگا، ہراٹی چیف پیسکو خادم حسین لار و ایلو بڑزکو و تعلقدار آفیسر آک بشخ ہلکر و بنجائی وزیر ءِ سرجم حوال اٹی حطار گریڈ ٹو، خانپور 132کے وی آن بیدس سرائے صالح، گندف و حطار 220کے وی اے گریڈ اسٹیشن نا پوروی نا بابت سرجم وڑاٹ حوال تسر۔ بنجائی وزیر عمرایوب خان بجلی نا برجامیگا ڈٹ آتیا است جمی نا درشانی ءِ کرسا المی پارت جاری کرے و ڈٹ آتا زوت پوروی آ زور شاغا۔
