اسلام آباد۔ 08اپریل (اے پی پی) ایشیائی شونداری بینک 5 ارب ڈالر مالیت نا جہانی بانڈ جاری کرے۔ ایشیائی شونداری بینک انا رداٹ بانڈ انا جاری کننگ تون ایشیائی شونداری بینک امریکی ڈالر بانڈ مارکیٹ اٹی پدی تسنے۔ بینک دا بانڈز بینک انا معمول نا سرمایہ نا دوئی کننگ نا رداٹ درستی راستی کرفینے۔ ایشیائی شونداری بینک انا خازن پیری وان پاتھیگم پارے کہ بانڈز اٹی جہانی زرکارآک بھاز است خواہی ظاہر کرینو۔ 5 سال انا مدت انا حامل بانڈ انا کوپن شرح اسہ درسد سالانہ ءِ۔ و دانا میچیوریٹی نا مد 14اپریل 2026آن بناکیک۔ امریکی ٹریژری نوٹس نا شرح آن دانا نہاد 0.75درسد مقرر کننگانے۔ بانڈ انا لین دین بی ایم اوکیپٹل مارکیٹ، کریڈٹ ایگری کول سی آئی بی، دوئچے بینک و گولڈ مین ساکز انٹرنیشنل ئسک کرینو۔ ایشیاٹی 33 درسد، یورپ، دے ٹک نیامی و افریقہ ٹی 48درسد و 19 درسد بانڈذ امریکہ ٹی بہا کننگا۔ 53 درسد بانڈز سینٹر ل بینک و سرکاری ادارہ، 21درسد کمرشل بینک و 26درسد بانڈز منیجر آک ہلکونو۔ ایشیائی شونداری بینک سال 2021ء ٹی کیپٹل مارکیٹ آتیان 34 ارب ڈالر دوئی کننگ نا ہدف مقرر کرینے۔
