لاہور، کوزہ گیر آتیان سرکاری ڈغار واگزار، گورنر پنجاب ءِ صوبائی محتسب سالانہ رپورٹ ءِ پیش کرے

لاہور۔ 07اپریل (اے پی پی) کوزہ گیر آتیان 275ملین روپئی آن زیات مالیت نا 351کینال 14 مرلہ سرکاری ڈغار ناروا کوزہ گیر آتیان واگزار کرفنگا، گورنر پنجاب چوہدری محمد سرور ءِ صوبائی محتسب میجر(ر) اعظم سلیمان سالانہ رپورٹءِ پیش کرے۔ سرجم حوال آتا رداٹ صوبائی محتسب پنجاب میجر(ر) اعظم سلیمان گورنر پنجاب چوہدری محمد سرور تون اوڑدہی ٹی اودے سالانہ رپورٹ ءِ پیش کرینے۔ داوخت آ گورنر پنجاب چوہدری محمد سرور پارے کہ دمدستی و اڑزآن انصاف آن پاکستان سوگو مریک، سرکاری محکمہ غاتا برخلاف غاو تیٹی کمتی ستاکڑزک، کس اس تون ظلم و ناانصافی ءِ سگنگ پننگک، صوبائی محتحسب پنجاب نا کارکڑد ہرلحاظ اٹ بے مٹ ءِ۔ گورنر پنجاب پارے کہ ناروا کوزہ گیر آتا برخلاف حکومت نا دوٹوک و پیدوار پالیسی ءِ و تحریک انصاف نا حکومت ادارہ غاتے سیاسی مداخلت آن پورو پاک کننگ نا پالیسی آ ہِننگ ءِ۔ چوہدری محمد سرور پارے کہ صوبائی محتسب نا فیصلہ غاتا برخلاف کنے آ اخس اپیل بسر ای کم و ود غٹ ءِ چٹفینوٹ، ریاست آئین پاکستان نا رداٹ ہر شاری نا بنداوی حق انا رکھوک و بے پرخ انصاف نا فراوانی نا ضامن ءِ و انصاف نا بنداوی آسراتی فراوان کننگ و السی غاوتے تینا وڑاٹ مر کننگ صوبائی ادارہ غاتا زمواری ءِ و داٹی ڈیوالئی ءِ سگنگ پننگک وہرکس کہ انصاف نا فراوانی ٹی اڑند مریک اونا برخلاف آئین و کانود نا رداٹ ایکشین ہلنگک انتئے کہ الس ءِ ہر بشخ اٹ ریلیف تننگ حکومت نا اولیت ءِ۔