اسلام آباد۔ 07اپریل (اے پی پی) پنجاب ریونیو اتھارٹی (پی آر اے) نا خذمت آتیاسیلز خراج وصولی تیٹی اینخو مالی سال اٹی 35.4درسد ودکی مسنے۔ پی آر اے نا حساب وکتاب نا رداٹ برجامالی سال انا اولیکو 8 تُو اٹی جولائی آن فروری 2020-21ء ٹی پنجاب ریونیواتھارٹی خذمت آتیا سیلز خراج نا مد اٹی 93.2ارب روپئی ہلکونے وخت اس کہ تدوک آ مالی سال اٹی جولائی آن فروری 2019-20ء ٹی دامد اٹی 68.8ارب روپئی نا خراج وصولی کننگاسس۔ ہنداوڑ تدوک آ مالی سال انا مقابلہ ٹی اینخو مالی سال انا بنائی 8تُواٹی پی آر اے نا خذمت آتیا سیلز خراج وصولی تیٹی 24.4ارب روپئی یعنی 35درسد آن زیات نا نمان ودکی ریکارڈ کننگانے۔ یات سلے کہ کوویڈ۔ 19نا دین و دین انا زرگزرانی اثرآتا چٹفنگ کن کاروباری بشخ انا کمکاری نا چندی گام گیج آتیان پد ہم خذمت آتیا سیلز خراج محصولات آتیٹی ودکی است بڈ ءِ۔
