کوئٹہ۔ 07اپریل (اے پی پی) بازئی یوتھ آرگنائزیشن نا صدر انجینئر عزیز خان بازئی، ملک شیر احمد بازئی، افراسیاب خان بازئی، اجمل خان بازئی، نقیب اللہ بازئی، ملک رضابازئی، عبدالقاہر بازئی، شاہ محمد بازئی، خوشحال خان بازئی و ایلو عہدیدار آک ملک زمرک خان بازئی ءِ چیف آف بازئی گچین مننگ آ مبارکبادی ترسا پارینو کہ ملک زمرک خان نا گچین مننگ آن بیرہ بازئی قوم آخا داڑے آباد ایلو غٹ قوم تیکن نیک بختی اسے۔اوفک پاریر کہ ملک زمرک خان تینا باوہ پیرہ نا گام تیا چلینگسا تینا مسکوہی روایت آتے برجاتخسا قوم انا خذمت ءِ ہروڑاٹ کیک۔ اوفک پاریر کہ بازئی قوم انا ورناک تینا حق انا دوئی کننگ کن ملک زمرک خان بازئی تون ہم کوپہ سلوک ءُ اوفک پاریر کہ ملک زمرک خان بازئی قوم انا اسہ کلی اسکان محدود اف او غٹ بازئی قوم انا چیف ءِ۔ اوفک پاریر کہ ملک زمرک خان آن بازئی قوم ہرااومیت آتے وابستہ کرینے ملک زمرک خان قوم انا پت ءِ ٹھیس تفک۔
