قبضہ مافیا  کنوک آنی ھلاپ ءَ ترندیں گامگیج کنگ بہ بیت، مزن وزیر عمران خان ءِ بنجاھی ءُ صوبائی انتظامیہ ءَ را پنت ءُ شون

اسلام آباد۔6اپریل  (اے پی پی): مزن وزیر عمران خان ءَ بنجاھی ءُ صوبائی انتظامیہ ءَ را پنت ءُ شون کتگ کہ ا قبضہ مافیا  ءِ ھلاپ ءَ ترندیں کاروائی کنگ بہ بیت وھدیکہ پاکستان سیٹیزن پورٹل ءِ سر ءَ الس آناں گہتریں آسراتی ءِ واستہ ھاسیں کیٹگری الاٹ کنگ بوتگ، ھاسیں کیٹگری ءِ بدولت ءَ قبضہ مافیا ءِ ھوالگ ءَ شکاست پہ ارزانی ءَ ھمگرنچیں  ادارگ آناں سر کنگ بیت۔ پرائم منسٹر ڈیلیوری یونٹ (پی ایم ڈی یو) ءِ نیمگ ءَ چہ جاڑی بوتگیں بیان آنی رد ءَ قبضہ مافیا ءِ ھوالگ ءَ ھاسیں کیٹگری ءِ جار مزن وزیر عمران خان ءَ 4 اپریل  ءَ السی نزیکیں ءِ  مراگش ءَ کتگ بوتگ، پرنسپل سیکرٹری اعظم خان ءِ نیمگ ءَ توامیں چیف سیکرٹریز، آئی جیز، چیف کمشنر اسلام آباد ءُ چیئرمین سی ڈی اے ءَ را مسل نبشتہ کتگ۔ مسل آنی رد ءَ توامیں چیف سیکرٹری سیادی داروکیں محکمہ آنی اپسرگ ، کمشنر، ڈی آئی جیز، ڈپٹی کمشنر ءُ ڈی پی اوز آناں جیڈھ آنی نازرکی آنی ھوالگ ءَ ھاسیں پنت ءُ شون دنت۔  مسل ءَ گوشگ بوت کہ قبضہ مافیا ءِ ھوالگ ءَ  ھما شکاست کہ آمید گس ءَ انت آوانی  سر ءَ اچ وڑیں  کاروائی کنگ نہ بیت۔ جندی زمین آنی جیڈھ دوئیں نیمگ ءَ گوشداری المی بیت، قبضہ مافیا ءِ ھوالگ ءَ  کتگیں شکاست آنی سر ءَ کاروائی ءِ رد ءَ  توامیں چیف سیکرٹریز آنی نیمگ ءَ سئے ماھی رپوٹ مزن وزیر ءَ را پیش کنگ بیت، قبضہ مافیا  ءِ ھلاپ ٰءَ  کاروائی نہ کنگ ءِ پد ءَ اپسرگ آنی کیساسگری کنگ بیت۔ مسل ءِ اندر ءَ گوشگ بوت کہ اے گامگیج   ءَ چہ زاتی زمین آنی سر ءَ قبضہ ھلاس بیت ءُ سرکاری زمین ھم  قبضہ کنوک آں چہ پچ گرگ بنت۔ اے پورٹل ءِ سر ءَ در ملک ءَ نندوکیں پاکستانی آنی شکاست آناں گوں دلگوشی ءَ گیش ءُ گیوار کنگ بنت۔