اسلام آباد۔ 06اپریل (اے پی پی) وزیراعظم عمران خان پارینے کہ ملک اٹیسیڷ انا سیل و سوات و سکیئنگ ریزارٹس نا گمان تا دریافت نا جاچ ءِ ہلنگ اُن۔ سے شنبے نادے آ تینا ٹویٹ اٹی وزیراعظم پارے کہ اولیکو وار دیوسائی نا برف پوش میدان تے سکیئنگ نا کمک اٹ عبور کننگ انگ ءِ۔ وزیراعظم تینا ٹویٹ اٹی دیوسائی نا برف زار آتا آوار خل تیاسیڷ اٹی کروک آ اولیکو سکیئنگ نا است چکوک ندارہ غاتے ہم شیئر کرینے۔ داڑے دا ہیت ذکر انا قابل ءِ کہ وزیراعظم عمران خان ملک اٹ سیل و سوات نا مون آ دننگ و سیل و سوات نا کمک اٹ زرگزران ءِ ہرفنگ نا ڈٹ آتیٹی بھاز است خواہی ہلنگ ءِ۔ وخت اس کہ حکومت ملک اٹی پوسکن آ سیل و سواتی ہند آتا دریافت و شونداری آ خاص چکار کرینے۔ وزیراعظم داکان مست ہم دامان کمراٹ، سکرو، ہنزہ تون اوار ملک انا چندی دلکش قدرتی وسیل و سواتی ہند آتا عکس آتے تینا ٹویٹر اکاؤنٹ آ شیئر کرسا کرینے۔
