اسلام آباد۔ 06اپریل (اے پی پی) بنجائی وزیر ڈٹ بندی شونداری و اصلاحات و خصوصی گام گیج و نیشنل کمانڈ اینڈ آپریشن سینٹر نا سروک اسد عمر پارینے کہ پابندی تیٹی ودکی، لاک ڈاؤن نا دنگءِ تالان کننگ و ایس او پی تیا سختی اٹ عملدرآمد نا اثرآک پاش مننگ ءُ۔ کورونا نا تدوک آ اِراہفتہ نا اثرآتا سوب آن مرک آتا کچ زرس وخت اسکان زیات مریک۔ سے شنبے نادے آ تینا ٹویٹ اٹی اسد عمر پارے کہ کورونا نا مثبت کیس آتا کچ اٹی کمتی مننگ ءِ۔ اوپارے کہ تدوک آ اِراہفتہ نا اثرآتا سوب آن مرک آتا کچ زرس وخت اسکان زیات مریک۔ تینا کلہو نا ایسر اٹ بنجائی وزیر خواست کرے کہ کورونا ایس او پی تیا عمل کبو، رکھ مبو۔
