اسلام آباد۔ 05اپریل (اے پی پی) کورونا دین آن بچنگ کن حکومت عملی گام گیج کننگ اٹی ءِ، حکومت ڈٹ آتا رداٹ ویکسین نا بے سلنگ آن فراوانی ءِ پک کننگ ءِ۔ داخیال آتا درشانی ءِ او وزیراعظم نا خصوصی کمکار قومی جان جوڑی ڈاکٹر فیصل سلطان ترلائی ویکسینیشن سینٹر نا دورہ ءِ کننگ نا وخت آ کرے۔ اوویکسینیشن سینٹر آ تروک آ آسراتی تا جاچ ءِ ہلک۔ ویکسینیشن سینٹر آ ساڑی بزرگ شاری تتون گپ وتران ہم کرے۔ اوشاری تیان خواست کرے کہ او رکھی گام گیج آتیا سختی اٹ عمل کیر۔ کورونا دین آن بچفنگ کن راجی فاصلہ ءِ پک کیر۔ اوپارے کہ ہیلتھ سینٹر آ ڈبلیو ایچ او نا کمک اٹ 80 سال آن زیات وئی نا بندغ و معذور بندغ آتا ویکسینیشن کن اسہ مخصوص کاؤنٹراس ہم جوڑ کننگانے۔ اوپارے کہ منظم وڑاٹ ویکسین خلنگ انگ ءِ وخت اس کہ حکومت شاری تیکن ویکسین ہم ہلنگ ءِ۔
