اسلام آباد۔ 05اپریل (اے پی پی) سینیٹ اٹی قائد ایوان سینیٹر ڈاکٹر شہزاد وسیم پارینے کہ وزیراعظم عمران خان ءِ قومی ایجنڈا غا عملدرآمد آن ہچ ءُ ٹیرتکائی اس توننگ کپک۔ دوشنبے نادے آ بڑزکو ایوان نا دیوان اٹی گپ وتران کرسا اوصادق سنجرانی ءِ دُوارہ چیئرمین سینیٹگچین مننگ و ایلو شرفدار آ پوسکن گچین مروک آ سینیٹرآتے مبارکبادی تس۔ اواومیت ظاہر کرے کہ صادق سنجرانی ہراوڑ مہالو ایوان ءِ گچین وڑاٹ چلیفے ہمووڑ غٹ ءِ اوار ہلسا کاہک۔ اویوسف رضاگیلانی ءِ قائد حزب اختلاف مننگ آ مبارکبادی ترسا پارے کہ اونا کماشی ٹی اپوزیشن ایوان اٹ جوان ءُ کڑد اس ادا کیک۔ ہر جماعت نا تینا بیانیہ ءِ ولے او ملک، قوم، جمہوریت و پارلیمانی ادارہ گچینی نا وت مرے۔ اوپارے کہ پی ڈی ایم نوشتہ دیوار ءِ خوانا۔ اوبرانزی سیاست کرسا ہم ہرا و داسہ پارلیمانی سیاست اٹ کڑد ادا کننگ نا فیصلہ کرینے ہرا جوان ءُ ہیت اسے۔ وزیراعظم عمران خان گچین کاری اصلاحات کن اسپیکر قومی اسمبلی ءِ چھٹی اس نوشتہ کرے۔ داڑآ اسپیکر قومی اسمبلی گچین کاری اصلاحات کمیٹی اس جوڑ کرینے۔ داٹی اپوزیشن بایدے تینا کڑد ءِ ادا کے۔ حکومت ہندن ءُ شفاف ءُ گچین کاری خواہک ہراڑآ کس اس ہور ہرفنگ کپ۔ اپوزیشن عدالتی نظام اٹی اصلاحات اٹی ہم بایدے تینا کڑد ءِ ادا کے۔
