اسلام آباد۔ 05اپریل (اے پی پی) فیڈرل بورڈ آف ریونیو(ایف بی آر) پارینے کہ خراج کمامدار آتا وڈی خوری و بے ڈولی تا برخلاف غاوتیا پبی کارروائی کننگ انگ ءِ و خراج تروک آتا غاوتا ایسری کن غٹ تر کوشست آتے پک کننگک۔ ایف بی آر نا ترجمان دوشنبے نادے آ اے پی پی ءِ پارے کہ ایف بی آر دارداٹ اینٹیگریٹی مینجمنٹ سیل و علاقائی انٹیگریٹی کمیٹی جوڑ کرینے، خراج تروک خراج کمامدارآتا وڈی خوری و بے ڈولی تا برخلاف آسان وڑاٹ تینا غاو تے درج کرفنگ کیرہ۔ خراج گزار خراج کمامدارآتا وڈی خوری و بے ڈولی تا برخلاف آسان وڑوڈول اٹ تینا غاوتے درج کرفنگ کیرہ۔ اوپارے کہ خراج گزار ٹیل فون نمبر 051-111-772-772، ہیڈکوارٹریا ایف بی آر نا آن لائن، complaints@fbr.gov.pkفیلڈ آفس آتیٹی جوڑ کمیٹی نا روبرو، چھٹی، ای میل پورٹل آ براہ راست تینا غاوتے درج کرفنگ کیرہ۔ غاو درج کرفوک آ ٹریکنگ نمبر و ورندی الاٹ کننگک، درخواست تروک ءِ شاہدی فراوان کننگ کن پاننگک، اینٹیگریٹی مینجمنٹ سیل داغاوتا جاست وپاست کیک، غاوتے تعلقدار آئی سی آ گدریفنگک و رپورٹ ءِ جاست وپاستی کمیٹی نا مون آ تخنگک، جاست وپاست پورو مننگ آن پد غاوتے پین کارروائی و فیصلہ کن اینٹیگریٹی مینجمنٹ سیل آ گدریفنگک۔ ترجمان پارے کہ خراج تروک آتا غاوتا دمدستی ازالہ ننا اولیت ءِ۔ ایلو کنڈآ ایف بی آر ریونیودُزی ءِ توننگ کن تینا سرجزآتے ترند کرینے، ایف بی آر نا رداٹ ڈائریکٹوریٹ جنرل انٹیلی جنس اینڈ انوسٹی گیشن آئی آر اینخو مالی سال انا اولیکو 9تُو اٹی گچین کارکڑد نا مظاہرہ کرینو۔ ڈائریکٹوریٹ جنرل 846انوسٹی گیشن رپورٹ آتے فیلڈ دفترآتیا گدریفے ہرافتا سوب 147ارب روپئی نا ریونیو دُزی نا پت پاش مس۔ ڈائریکٹوریٹ جنرل اکتوبر 2018ء اسکان اینٹی منی لانڈرنگ ایکٹ 2010نا رداٹ 175بندغ آتا برخلاف 136غاودرج کرے ہرانا سوب آن 50ارب روپئی نا ریونیو دُزی نا سماتما۔ ڈائریکٹوریٹ جنرل غیر کانودی سگریٹ آتا 5057کارٹن، ہرافتے ٹی 5کروڑ 5لکھ 70ہزار سگریٹ سٹکس ئسر، ءِ ضبط کریر۔
