کوئٹہ۔ 05اپریل (اے پی پی) بلوچستان نا تعلیمی ادارہ غاتے ٹی کورونا دین انا حالیت آتا جاچ ءِ ہلنگ کن محکمہ جا ن جوڑی و محکمہ تعلیم نا کمامدارآتا بڑزکو کہولی دیوان دوشنبے نادے آ اڈ ہلک دیوان اٹی صوبائی وزیر تعلیم سردار یار محمد رند سیکرٹری ثانوی تعلیم بلوچستان شیر خان بازئی ڈائریکٹر جنرل ہیلتھ سروسز ڈاکٹر علی ناصر بگٹی کوویڈ سیل انا سروک ڈاکٹر نقیب اللہ نیازی ئسک ساڑی ئسر۔ محکمہ جان جوڑی بلوچستان نا کنڈآن دیوان ءِ پاننگاکہ بلوچستان اٹی کورونا دین انا تالانی نا کچ شش آن ہفت درسد نا نیام اٹی ءِ بلوچستان نا ہیلتھ کیئر سسٹم داوخت اسکان پورو وڑاٹ مون تروک حالیت آتون مون تننگ کن تیار ءِ، دیوان اٹی امنا کننگاکہ بلوچستان نا تعلیمی ادارہ غاتے ٹی کورونا دین انا ٹیسٹنگ کن استاد آتا رضاکارانہ خذمت دوئی کننگک، صوبائی وزیر تعلیم سردار یار محمد رند پارے کہ تعلیمی ادارہ غاتے ٹی ایس او پی تیا عملدرآمد ءِ پک کننگ انگ ءِ و تعلیمی ادارہ غاتے ٹی ایس او پی تیا عملدرآمد ءِ پک کننگ انگ ءِ و تعلیمی ادارہ اسے ٹی اِراپازیٹیو کیس آتا پیدواری آ ہموادارہ ءِ مخصوص دے اکن بند کننگ نا پرمان جاری کننگانے دیوان اٹی طے مس کہ این سی او سی نا کنڈآن جاری گائیڈ لائن نا رداٹ اسٹریٹجی نا چرجوئی اٹ جاچ ہلسا محکمہ جان جوڑی نا سلابت اٹ تعلیمی ادارہ غاتا بابت فیصلہ کننگک۔ ڈائریکٹر جنرل ہیلتھ سروسز ڈاکٹر علی ناصر بگٹی و کوویڈ سیل انا سروک ڈاکٹر نقیب اللہ نیازی پارے کہ وزیراعلیٰ بلوچستان جام کمال خان پارلیمانی سیکرٹری جان جوڑی ربابہ خان بلیدی و سیکرٹری جان جوڑی بلوچستان نور الحق بلوچ نا خصوصی چکار آن بلوچستان اٹی ہیلتھ کیئر فیسیلیٹی تے گچین کننگ کن سنجیدہ گام گیج کننگ انگ ءِ و کورونا دین آن زہمی بندغ آتا ہُننگ و طبی ریلیف کن گام گیج آتے گچین کننگانے دیوان اٹی محکمہ جان جوڑی و محکمہ تعلیم نا نیام اٹ کوویڈ نا حالیت آتے مانیٹر کننگ کن اسیجائی گام گیج آتے پین گچین کننگ آ اتفاق نا درشانی ءِ کننگا۔
