اسلام آباد۔4اپریل (اے پی پی): مزن وزیر عمران خان ءَ الس آں گوں سوگند کتگ کہ رمضان المبارک ءِ ساھت ءَ یوٹیلیٹی سٹور آنی ضلوریگیں سامان آنی پجاری ءَ را دل یکیمی جوڑ کنگ بیت ءُ رمضان بازار آنی وسیلگ ءَ الس آناں ارزانی ءَ سامان آنی بھا ءُ پجاری کنگ بیت۔ یک شمبے ءِ روچ ءَ جھنگ ءَ چہ یک شہری ءِ یوٹیلٹی سٹور ءِ ضلوریگیں سامان آنی پجاری ءِ ھوالگ ءَ جست آنی پسو ءَ مزن وزیرءَ گوشت کہ حکومت یوٹیلٹی سٹور آنی تہءَ رمضان المبارک ءِ ساھت ءَ ضلوریگیں سامان آنی پجاری ءَ را دل یکیمی جوڑ کنگ بہ بیت تانکہ الس آناں سستائیں نیاد ءَ آرت، روگن، شکر، ءُ ایندگر بنیاتی سامان آنی پجاری بوت بہ بکنت۔ مزن وزیر ءَ گوشت کہ احساس پروگرام ءِ چیر دستی ءَ 75 درسد پاکستانی آنی ڈیٹا رد ءُ بند کنگ بوتگ، ایشاناں ارزانی ءَ گوں سامان ءِ پجاری کنگ بیت ءُ لس مردم آناں گران بھائی ءَ چہ رکھینگ ءِ گامگیج کنگ بیت۔
