اسلام آباد۔4اپریل (اے پی پی): مزن وزیر عمران خان ءَ گوشت کہ کورونا ءِ سیمی فیز سک باز ترسناک انت ھمے واستہ شہری ایس او پیز ءِ پد ءُ رند ءَ بکن انت ءُ ماسک المی ءَ بہ بند انت، الس ءَ ایس ءُ پیز آنی پد ءُ رند نہ کت گڈا لاک ڈائون ءَ را ترند کناں ایشی ءَ چہ گریب آماچ بنت۔ یک شمبے ءَ را الس آنی گوما یک شلی ءَ گوں ٹیلی فون ءِ سر ءَ تران کنان ءَ آئی ءَ گوشت کہ مزن وزیر عمران خان ءَ گوشت کہ آ درستاں چہ پیسر الس ءَ را یک ارزشتی ایں گپ ءِ گوشگ لوٹ ایت، آئی ءَ گوشت کہ کورونا ءِ سیمی فیز سک باز ترس ءُ بیم ناک انت ، ھمے واستہ الس آں گوں دستبندی انت کہ آ ماسک بہ بند انت۔
