اسلام آباد۔3اپریل (اے پی پی):چیئرمین نیب جسٹس (ر) جاوید اقبال ءَ گوشت کہ پلی بارگین جرم ءِ زمرہ ءَ کئیت، ایشی ءِ ھوالگ ءَ کیاسگری آمید گس منظوری ءَ دنت، پلی بارگین ءَ چہ پد ملزم ناں ایوک ءَ نبشتانکی رنگ ءَ وتی جرم ءَ من ایت بلکینگ ءَ دزتگیں زر آناں ھم راجی ھزانگ ءَ جم کنائین ایت۔ شمبے ءِ روچ ءَ جاڑ کتگیں نیب ءِ جار آنی ارند ءَ چیئرمین نیب جسٹس (ر) جاوید اقبال ءَ گوشت کہ نیب بزنس کمیونٹی ءَ را سک باز ارزشت دنت۔ چیا کہ آ ملک ءِ دیمروئی ءَ سیرن ءِ ھڈ ءِ بستار ءَ دار انت۔ نیب ءَ بزنس کمیونٹ ءِ شکاست آنی پیلو کنگ ءِ واستہ ھاسیں سیل جوڑ کتگ۔ آئی ءَ گوشت کہ نیب نیوروکریسی ءِ ھم شرپ ءُ ازت ءَ کنت ءُ نیب ءِ کارگس ءَ آیوکیں توامیں مردم آنی شرپ ءُ ازت ءِ پنت ءُ شون ھم کنگ بوتگ۔ نیب ءَ استیں انتظامیہ ءِ دور ءُ باریگ ءَ 487 ارب کلدار دزگیر کتگ ءُ راجی ھزانگ ءَ جم کنائینتگ ایش یک جوانیں کامیاتی ات۔ آئی ءَ گوشت کہ جدیدیں سائنس لیبارٹری جوڑ کنگ بوتگ۔ آئی ءَ گوشت کہ نیب ءَ کیس آناں ترندی ءَ گوں گیش ءُ گیواری کنگ ءِ واستہ گیشاں چہ گیش 10 ماہ ءِ وھد ءُ پاس گیشینتگ۔ کلانہ ایں سپیر وائزری اپسرگ آنی مچیں دانش ءَ چہ سیت چست کنگ ءِ واستہ ڈائریکٹر، ایڈیشنل ڈائریکٹر، انوسیٹی گیشن اپسرگ ءُ کلانہ ایں لیگل قونصل ءِ یکجائی ٹیمب ءِ نظام ءِ سہرا کنگ بوتگ۔
