اسلام آباد۔3اپریل (اے پی پی):نیشنل کما نڈ اینڈ آپریشن سینٹر ءَ رمضان المبارک ءِ ہوالگ ءَ رھبند جاری کنگ بوتگ۔ پیژگاہ والہیں مسیت، امام بارگاہ آں نماز ہال ءَ وانگ نابیت، تراویح ءِ بندوبست مسیت، امام بارگاہ ءِ پیژگاہ آں وانگ بہ بیت۔ این سی او سی ءَ گشتگ کہ شہری دگ، فٹ پاتھ ءِ سرءَ نماز ماواناں، مسیت، امام بارگاہ آں دزنماز گرگ ءَ بندش بیت۔ نمازی لوگاں چہ دزنماز بگرءُ بیااَں۔ دزنماز گرگ ءِ وہد ءَ تاں 20 سکینڈ ءَ دستاں بہ شوداں، مسیت، امام بارگاہ آں قالین، تاگرد چیرگیجگ نابیت۔ مسیت ، امام بارگاہ آں نماز فرش ءِ سرءَ وانگ بیت، فرش ءَ را گوں کلورین ءَ شودگ بہ بیت، نمازی چہ لوگاں موسُلہ بباراں گوں ۔ 50 سالاں چہ بُرز، زھگ مسیت ءُ امام بارگاہ ءَ ماروآنت۔ مسیت ءُ امام بارگاہ ءِ بند ءُ بوج کنوکءُ خطیب انتظامیہ ءَ گوں ہمراہ داری بہ کن اِت۔
