اسلام آباد۔ 02اپریل (اے پی پی) وزیر خارجہ شاہ محمود قریشی پارینے کہ نیزگاری نا چٹفنگ و پائیدار شونداری نا ہدف آتا دوئی کننگ ننا حکومت نا اولیت آتا اہم ءُ بشخ اسے۔ داہیت ءِ او یو این ڈی پی نا پاکستان اٹی ریزیڈنٹ نمائندہ کنوٹ اوسٹ بی اتون گپ و تران کرسا پارے ہرا جمعہ نا دے آ وزارت خارجہ ٹی اوڑتون اوڑدہی کرے۔ وزیر خارجہ کنوٹ اوسٹ بی ءِ پاکستان اٹ بطور ریزیڈنٹ نمائندہ یو این ڈی پی تعیناتی آ مبارکبادی تس و پارے کہ نن پاکستان اٹ یواین ڈی پی نا تعمیری و مثبت کڑد انا ستاءِ کینہ۔ پاکستان و یواین ڈی پی اسیجائی مسخت آتا دوئی کننگ کن سالہا سال اٹ اواری اٹ کاریم کننگ اُن۔ شاہ محمود قریشی پارے کہ نیزگاری نا چٹفنگ و پائیدار شونداری نا ہدف آتا دوئی کننگ ننا حکومت نا اولیت آتا اہم ءُ بشخ اسے۔ پاکستان داوخت آ اقوام متحدہ نا اکنامک اینڈ سوشل کونسل (ایکوساک) نا صدارتی زمواری ءِ ادا کننگ ءِ۔ شاہ محمود قریشی پارے کہ پاکستان، جہانی فورم تیا ”شونداری امور تون تعلقدار مباحث“ اٹ مدام فعال کڑد ادا کرسا کرینے۔ وزیر خارجہ پاکستان اٹ شونداری وموسمیاتی امور تون تعلقدار چیلنج آتون مون تننگ و پائیدار شونداری نا ہدف 230انا بابت، این این ڈی پی نا کمکاری نا ستاءِ کرے۔ یو این ڈی پی نا ریزیڈنٹ نمائندہ نا کنڈآن پاکستان نا پورو کمکاری نا باوری کرفے۔
