اسلام آباد۔ 02اپریل(اے پی پی) وزیر خارجہ مخدوم شاہ محمود قریشی تون برطانیہ ٹی رہینگوک آ پاکستانی نژاد ڈاکٹر طارق محمود جامعہ وزارت خارجہ ٹی اوڑدہی کرے۔ اوڑدہی ٹی کورونا جہانی دینی حالیت آتون اوار تین پہ تینی است خواہی نا باندات آ گپ وتران کننگا۔ وزیر خارجہ برطانیہ ٹی رہینگوک آ پاکستانی ڈاکٹرز، نرس و طبی عملہ نا خذمت آتا ستاءِ کرے۔ وزیر خارجہ پارے کہ پاکستان اٹی کورونا دین انا مسٹ میکو ریسہ شدت اختیار کننگ ءِ۔ اوپارے کہ نن کورونا دین انا تالانی ءِ توننگ و زرگزرانی زہم تتون مون تننگ کن غٹ کوشست آتے کاریم اٹ اتنگ اُن۔ شاہ محمود قریشی پارے کہ پاکستان اٹی کورونا دین آن بچنگ کن ویکسینیشن نا عمل مرحلہ وار، سرسہبی اٹ برجاءِ۔ ڈاکٹر طارق محمود سفتی ہیت و است بڈی آ وزیر خارجہ نا منت واری ءِ ہرفے۔
