اسلام آباد۔ 02اپریل (اے پی پی) خادم حرمین شریفین شاہ سلمان بن عبدالعزیز صدر مملکت ڈاکٹر عارف علوی نا کوویڈ۔ 19آن زوت دراخ جوڑی کن نیک است خواہی نا درشانیءِ کرینے۔ جمعہ نا دے آ صدر مملکت نا پن تینا اسہ کلہو اسے ٹی سعودی فرمانرواشاہ سلمان بن عبدالعزیز پارے کہ ننے نا کورونا دین آن زہمی مننگ نا حوال رسینگانے۔ نن نا مدام گچین جان جوڑی، خوشی و زوت دراخ جوڑی کن نیک است خواہی نا درشانی ءِ کینہ۔ یات سلے کہ صدر مملکت ڈاکٹر عارف علوی نا 29مارچ آ کورونا ٹیسٹ مثبت بسوسس۔ داکان مست سعودی عرب نا فرمانرواشاہ سلمان بن عبدالعزیز و ولی عہد شہزادہ محمد بن سلمان وزیراعظم عمران خان نا کورونا ٹیسٹ مثبت بننگ آ اودے ہم گچین جان جوڑی و زوت دراخ جوڑی کن نیک است خواہی نا کلہو اس راہی کریسس۔

متعلقہ مضامینمصنف کی طرف سے مزید