اسلام آباد۔ 02اپریل (اے پی پی) پاکستان تحریک انصاف نا راہشون علی اسجد پارینے کہ عدالت عظمیٰ گونڈ ءُ فیصلہ اسے ٹی این اے 75اٹی ضمنی گچین کاری کرفنگ نا بابت الیکشن کمیشن نا فیصلہ ءِ برقرار تخسا ننا خواست ءِ مسترد کرے، سپریم کورٹ انا فیصلہ ناشرف ءِ کینہ، عدالتی فیصلہ ننے آ کبین اف، ڈسکہ نا الس فیصلہ کیک، نن مست آن زیات تیار اُن، انشاء اللہ نن دُوارہ ضمنی گچین کاری تے کٹنہ و مسلم لیگ (ن) ءِ شکست ایتنہ۔ داہیت ءِ او جمعہ نادے آ داڑے سپریم کورٹ نا پیشن تحریک انصاف نا راہشون عثمان ڈارتون اوار میڈیا تون گپ وتران اٹی پارے۔ اوپارے کہ فیصلہ نا برخلاف نظرثانی اپیل نا اختیار تخک، سرجم فیصلہ نا جاچ ءِ ہلینہ۔ داوخت آ پی ٹی آئی راہشون عثمان ڈار پارے کہ عدالتی فیصلہ غان الیکشن کمیشن آف پاکستان کٹانے، نن مسلم لیگ (ن) آنبار ادارہ غاتے تنقید نا شست کپنہ، نن کنٹینر اتسا جی ٹی روڈ آ پیش تمپنہ کہ کنے انت اکن کشار۔
