ملتان۔ 02اپریل (اے پی پی) وزیراعلیٰ سردار عثمان بزدار نا گمانی دورہ ملتان نا بابت تیاری تا بناءِ کننگانے۔ وزیراعلیٰ انڈسٹریل اسٹیٹ اٹ واقع لیبر ویلفیئر کمپلیکس نا فلیٹ آتا چابی تے صنعتی کارندہ غاتا دوٹی ایتک۔ ڈپٹی کمشنر علی شہزاد غٹ تعلقدارمحکمہ غاتا دورہ نا بست وبند آتا پارت کرینے۔ چندی بلاک آتیا تالان لیبر ویلفیئر کمپلیکس نا 992فلیٹ آتا تزئین و آرائش نا بناءِ کننگانے۔ ویسٹ مینجمنٹ کمپنی نا ورکرز لیبر ویلفیئر کمپلیکس سرمسنو۔ کمپلیکس نا فلیٹ، روڈ، مسیت، کمیونٹی سینٹر نا سفائی نا بناءِ کننگانے۔ کمپلیکس اٹی واقع گرلز و بوائز ہائی اسکول نا ماڑی تا سفائی ستھرائی ءِ ہم کننگ انگ ءِ۔ مظفرآباد و انڈسٹریل اسٹیٹ بروک آ شاہراہ نا سفائی نا بناءِ کننگانے۔ داکان بیدس ملتان شار انا شاہراہ تے چمک تننگ کن میکنیکل سوئپرز آتا کاریم اٹ اتنگ انگ ءِ۔پی ایچ اے، میپکو، بلڈنگ ڈیپارٹمنٹ و واسا نا ٹیمک ہم ولیبر ویلفیئر کمپلیکس آ سرمسنو۔
