اسلام آباد۔ 02اپریل (اے پی پی) بنجائی وزیر ہوابازی غلام سرور خان قومی اسمبلی ءِ پارینے کہ نیویارک اٹی روز ویلٹ انا مالکانہ حق پی آئی اے نا ذیلی کمپنی تون ءِ۔ جمعہ نادے آ قومی اسمبلی ٹی وقفہ سوج آتیٹی طاہرہ اورنگزیب نا سوج آ غلام سرور خان ایوان ءِ پارے کہ روز ویلٹ انا مالکانہ حق پی آئی اے نا ذیلی کمپنی تون ءِ، کوویڈ نا سوب آن مین ہیٹن نا 80درسد ہوٹل بند مسر، دافتے ٹی روز ویلٹ ہم اوار ءِ۔ جے پرکاش نا سوج آ اوپارے کہ ٹورنٹو کن جہاز آتے 5آن کم کرسا 2 کننگانے، داکوویڈ نا سوب آن ءِ، پی آئی اے اِرا فلائٹ تننگ ءِ، ہندن کہ لوڈ اٹی ودکی مریک جہاز آتا کچ اٹ ودکی کننگک، اوپارے کہ کوویڈنا سوب آن عمومی وڑاٹ جہاز و آپریشن تیٹی 50درسد نا کمتی بسنے، ہندن کہ حالیت آک گچین مریرہ، اوٹی ودکی کننگک۔ بنوں بالی پٹ انا بابت زاہد اکرم درانی نا سوج آ اوپارے کہ دا بالی پٹ انا پڑو ءِ سیاسی فائدہ کن کننگاسس۔
