اسلام آباد۔1اپریل (اے پی پی): مزن وزیر ءِھاسیں کمکار ڈاکٹر ثانیہ نشتر ءَ “Financing SDG2: Addressing Hunger and Malnutrition in the wake of COVID-19” ءِ بن گپ ءِ سر ءَ مزن تکی وزارتی گول میز کانفرنس ءَ شرکت کت۔ گول میز کانفرنس میاں اوستمانی بینک ءِھمک سالی دیوان ، میاں اوستمانی بینک ءِ ھیڈ کوارٹرز ءَ ورچوئل رد ءَ برجم دارگ بوتگ۔ گریبی ءِ ھلاسی ءُ چاگردیرکھینگی ڈویژن ءِ رد ءَڈاکٹر ثانیہ نشتر ءَ گوشت ہ اے وبائےی مرض ءِ رد ءَ پاکستان ھما لستیں ملک آنی تہ ءَ اولی ملک انت ایشی ءِ کسانوکیں وھد ءُ پاس ءَ بنی آدم آناں تاوان ءَ چہ رکھینگ ءِ جزم داشتگ ءُ70 ملین ءَ چہ گیش گس آنی واستہ یک ارب ڈالڑ ءَ چہ گیش زر جتا جتائیں پروگرام آنی بست ءُ بند کتگ ءُ پجارینتگ۔
ھوپ ءِ رد ءَ سرجمیں دگنیا ءَ وردن ءُ وراک ءِ گیش بوھوکیں نیاد آنی بابت ءَ سیمی فیز ءِ بابت ءَ تران کنان ءَ، ڈاکٹر ثانیہ نشتر ءَ گوشت کہ ایشی ءَ گوں گر ءُ چیل بوھگ ءِ واستہ فی الحال گریبیں تبک ءَ را سیت پجاری ءِ واستہ سبسڈیز پجاری کنگ ءِواستہ پالیشی جوڑ کنگ بوھگ ءَ انت چیا کہ اے تبک وتی ھرچ ءُ درچ آنی 36 درسد وراک ءُ وردن ءِ سر ءَ ھرچ کنت انت۔ آئی ءَ گیش گوشت کہ حکومت پیمنٹ گیٹ وے ءُ ریٹیلرز آنی ڈیجیٹل والٹس ءِ کارمردی ءَ چہ ٹارگٹڈ سبسڈی پروگرام جوڑ کنگ بوھگ ءَ انت۔
نامداریں پینل ءَ مزن وزیر ءِ ھاسیں کمکار ڈاکٹر ثانیہ نشتر ءِ ھمبراھی ءَ انڈونیشیا ءِ وزیر ءِ ھزانگ ; Sri Mulyani Indrawati ، روانڈا ءِ وزیر ءِ ھزانگ ; Dr. Uzziel Ndagijimana ، کینیڈا ءِ انٹرنیشنل ڈدویلپمنٹ ءِ وزیر ; Karina Gould ، ناروے ءِ انٹرنیشنل ڈویلپمنٹ ءِ وزیر; Dag-Inge Ulstein ، جرمنی ءِ پارلیمانی سیکرٹری ; Norbert Barthle ءُ جاپان ءِوزارت ءِ ھزانگ ءِ ڈپٹی ڈائریکٹر جنرل ; Atsushi Mimura ھوار اتنت۔
