راولپنڈی۔1اپریل (اے پی پی):چیئرمین جوائنٹ چیفس آف سٹاف کمیٹی جنرل ندیم رضا ءَ ترکی ءِ تر ءُ تاب ءِ ساھت ءَ تکی ءِ اردی سروک آں گوں جتا جتائیں گند ءُ نند کت۔ جنرل ندیم رضا ءَ را ترکی ءِ ٹوھیں اُردی ایوارڈ “لیجن آف میرٹ” ءِ داد ھم دیگ بوت۔ پاک فوج ءِ شوبگ آئی ایس پی آر ءِ رد ءَ چیئرمین جوائنٹ چیف آف سٹاف کمیٹی جنرل ندیم رضا ترکی ءِ سرکاری تر ءُ تاب ءَ انت۔ آئی ءَ انقرہ ءَ وزیر ءِ راجی دیمپانی، جنرل (ر) ہولوسی اکار ءُ ترک سلاھ بندیں اُرد ءِ کمانڈر جنرل یاسر گلر ءُ سہ پریکی سروسز ءِ سروک آں گوں گند ءُ نند کت۔
گند ءُ نند ءِ ساھت ءَ جتا جتائیں شوبگ، سیکورٹی ، ناشرکار آنی گر ءُ دار ءُ ھاسیں رنگ ءَ اوگانستا ءِ ھوالگ ءَ استیں دمگی جاور ھال آں ھوار دو نیمگی کمک آنی سر ءَ ھیال ریچی کت۔ ءُ جوانیں یکوئی آناں گیش برجم کنگ ءِ وتی جزمے درشان کت۔
ترکی ءِ اردی سروک آں پاکستان آرمڈ فورسز آنی کزبی ھیل کاری آناں ساڑات ءُ ناشرکاری ءِھلاپ ءَ جنگ ءَ پاکستان ءِ قربانی آنی توسیپ کت۔ ایشی ءَ چہ پیسر ترکی ءِ جنرل اسٹاف ھیڈ کوارٹر پجگ ءِ پد ءَ چیئرمین جوائنٹ چیفس آف سٹاف کمیٹی جنرل ندیم رضا ءَ را ترکی ءِ سلاھ بندیں ارد ءِ یک ٹروپے ءَ گارڈ آف آنر پیش کت۔ آئی ءَ شہید آنی قبر آنی سر ءَ پُل آنی چادر پر دات۔
