اسلام آباد۔ 01اپریل (اے پی پی) تحریک انصاف نا راہشون عثمان ڈار پارینے کہ پاکستان نا تاریخ اٹ مسلم لیگ (ن) بورہ دُز آتا دوتے سوگو کرے، مافیا (ن) لیگ انا دور اٹ ماس خلک۔ تحریک انصاف حکومت وزیراعظم عمران خان نا کماشی ٹی ہروڑنا مافیاتے ماس کش کرسا مدامی کن دفن کیک۔ داہیت ءِ او پنچ شنبے نادے آ داڑے سپریم کورٹ نا پیشن میڈیا تون گپ وتران کرسا پارے۔ اوپارے کہ قومی اسمبلی نا حلقہ این اے 75نا بابت الیکشن کمیشن نا فیصلہ نا برخلاف سپریم کورٹ اٹی دائر درخواست آ فیصلہ ننا حق اٹ بریک، غٹ چارہ کہ جمعہ نادے مسلم لیگ (ن) آ اخس کبین مسنے۔ اوپارے کہ کیس انا سماعت اٹی (ن) لیگی اومیتدار نا وکیل موقف تینا کرے کہ مچ آ حلقہ ٹی نہ تو 109پولنگ اسٹیشن تیا دُوارہ گچین کاری کرفنگے، عدالت آتیٹی فیصلہ (ن) لیگ نا مرضی اٹ مفک، سپریم کورٹ پارینے کہ 20پریزائیڈنگ آفیسر آتا جیوفیسنگ نا ہچ ءُ اہمیت اس اف۔ اوپارے کہ پاکستان نا تاریخ اٹ مسلم لیگ(ن) بورہ دُز آتا دوتے سوگو کرے، مافیا(ن) لیگ انا دور اٹ ماس خلکر۔ تحریک انصاف حکومت وزیراعظم عمران خان نا کماشی ٹی ہروڑنا مافیا تے ماس کش کرسا ہمیشہ کن دفن کیک۔ عثمان ڈار پارے کہ کورونا نا سوب آن مچ آ دنیانا زرگزران بھس مس، پاکستان آ اللہ تینا کرم ءِ کرینے۔ کورونا دین آن پد ہم ملکی زرگزرانی حالیت آک گچین ءُ، وزیراعظم عمران خان لاک ڈاؤن خلتو و زرگزران گچین مس۔ 2021ء زرگزران و روزگار نا بحالی نا سال ءِ۔
