اسلام آباد۔ 01اپریل (اے پی پی) حریت راہشون یاسین ملک نا اُرائی مشعال ملک پارینے کہ ایشیاٹی امن و شونداری نا کسر کشمیر آن گدرینگک، بھارتی فوج مقبوضہ کشمیر اٹی تدوک آ تُو یانزدہ بے گناہ کشمیری تے شہید کرے، بھارتی فوج انا سم کاری و بیدادی آن پنجاآن زیات کشمیر ٹھپی ہم مسر۔ پنچ شنبے نادے آ تینا جاری بیان اٹی مشعال ملک پارے کہ بھارتی فوج تدوک آ تُو 110بے گناہ کشمیری تے دزگیر کرے، بھارتی فوج 12اُراتے ہم بھس کرے، ورناتے جعلی مقابلہ غاتیٹی شہید کننگ انگ ءِ۔ مشعال ملک پارے کہ بھارتی حکومت کشمیری تا کشت وخون ءِ بند کے، ایشیاٹی امن و شونداری نا کسر کشمیر آن گدرینگک۔
