اسلام آباد۔ 01اپریل (اے پی پی) پاک بحریہ پیدوار کرینے کہ ہروڑنا جارحیت نا پبی ورندی ءِ تننگ کن ہروخت تیار ءِ۔ ترجمان پاک بحریہ نا رداٹ نیول ہیڈکوارٹرز اسلام آباد اٹی پاک بحریہ نا کمانڈ اینڈ اسٹاف کانفرنس اس اڈ ہلک۔ پاک بحریہ نا سروک ایڈمرل محمد امجد خان نیازی کانفرنس نا کماشی ءِ کرے۔ کانفرنس اٹی ڈیہہ نا سیکورٹی حالیت، پاک بحریہ نا آپریشنل تیاری و ورناتاہیلکاری و آسودہی باندات نا جاچ ءِ ہلنگا۔ نیول چیف ءِ پاک بحریہ نا جاری و آخبت نا ڈٹ آتیا سرجم حوال تننگا۔ امیر البحر پاک بحریہ نا آپریشنل تیاری تیا پورو است جمی نا درشانی ءِ کرے۔ نیول چیف ملک اٹی کورونا نا دین انا تالانی ءِ توننگ کن حکومتی پالیسی تیا پورو عملدرآمد نا بابت ہم پارت کرے۔ کانفرنس اٹی داہیت انا درشانی ءِ کننگاکہ پاک بحریہ ہروڑنا جارحیت نا پبی ورندی ءِ تننگ کن ہروخت تیار ءِ۔
