اسلام آباد۔ 01اپریل (اے پی پی) وزیراعظم نا سلاہکار پارلیمانی امور ڈاکٹر بابر اعوان پارینے کہ فنانس آرڈیننس آ اپوزیشن نا اعتراض آتیا اسپیکر قومی اسمبلی حکومتی و اپوزیشن باسک آتیا تالان 8باسکی کمیٹی اس جوڑ کرینے۔ کمیٹی نا اولیکو باضابطہ دیوان اینو پنچ شنبے نادے آ مریک۔ اسہ بیان اسے ٹی بابر اعوان پارے کہ کمیٹی نا دیوان اٹی فریق آتا موقف ءِ بِننگ آن پد آرڈیننس اتنگ یا اتپننگ نا فیصلہ مریک۔ کانودسازی نا بابت دااسہ بھلو بریک تھرو اسے۔ کمیٹی نا جوڑ کننگ مسخت شور شرابہ و گالی گلوچ آن اسہ کنڈ کانود سازی کننگ ءِ۔ کمیٹی ٹی بابر اعوان، وزیر خزانہ حماد اظہر، احسن اقبال، ایاز صادق، راجہ پرویز اشرف، سید نوید قمر و ایلوفک اوار ءُ۔
