کوئٹہ۔ 01اپریل (اے پی پی) وزیراعلیٰ بلوچستان جام کمال خان پارینے کہ ساڑی حکومت مدام ملازم آتیکن گچین سجفینے ولے ملازم آتا کنڈآن اختیار کروک آ ساڑی آ وڑوڈول بھاز نامناسب ءِ، سرکاری ملازم مرسا گڑاس مخلوق ہرا مستین اٹ ہم داوڑنا حرکت آتیان زندان تیٹی بند مسنو۔ او اینو ولدا خواری کش مظلوم آتے ریفنگ ءُ۔ داخیال آتا درشانی ءِ او سی ایم سیکرٹریٹ آن جاری کروک بیان اٹی کرے۔ وزیراعلیٰ پارے کہ جہانی دین کورونا غان پد ہرامالی مشکل آتا دنیا تون اوار اوار پاکستان وبلوچستان ءِ مون تروک ءِ دابھلا حالیت آتیان نن غٹ جوانی اٹ بلد اُن، شونداری و ایلو بجٹ باندات آتا بابت چیلنج آتے حکومت بھاز مشکل اٹ ایسر کننگ ءِ، وزیراعلیٰ پارے کہ لگک کہ گڑاس خوارہ کہ بلوچستان اٹی اقتصادی دباؤ ودے و شونداری عمل سلے ہراکہ داصوبہ کن اسل المی ءِ، ہنداخاطرآن سیکرٹریٹ نا ملازم آک گڑاس گمراہ مخلوق نا ہیت آتیان اسہ کنڈ مرسا تینا نوکری و زمواری ءِ جوان وڑاٹ پور وکننگ نا بناءِ کیر۔ اوپارے کہ ملازم آتا برانز و تینا ویل آتے بیان کننگ نا پورو موقع تننگا ولے دادے اسہ سیاسی پلیٹ فارم اس جوڑ کرسا منہ مخلوق جوان کاریم اٹ ایسر۔ الس نا مشکل، کورونا ناتالانی و خوانخواستہ دہشت گردی نا گڑتی ٹی ہمو غٹ زموارآتا برخلاف کانودی کارروائی کننگک۔وزیراعلیٰ پارے کہ اوفتے دا سرکاری ملازمت و زمواری داخاطرآن رسینگانے کہ الس نا باندات آتے ایسر کیر نئے کہ الس نا اہم باندات و مشکل آتیٹی ودکی مرے۔ ہنداخاطرآن ملازم آک داسہ دابرانز ءِ چٹفر و باندات آتے کمیٹی نا دوٹی ترسا تینا نوکری ءِ الس نا خاطر آن بناکیر۔ وزیراعلیٰ پیدوار لوز آتیٹی پارے کہ اینو آن پد انا غٹ تر زمواری اوفتیا عائد مریک ہرافک اسٹیج آ تینا تقریر آتے اٹ مخلوق ءِ ہشکا تسر۔ غلط زبان استعمال کریر، بیانیہ پیش کریر و تینا فرض آن اسہ کنڈ باندات آتے دوٹی ہلکر۔
