حکومت ءَ پیٹرول ءُ ڈیزل ءِ نیاد آنی تہ ءَ کمی ءُ بھارت ءَ چہ شکر ءُ پُکی "کپاس” درآمد کنگ ءِ اجازت داتگ،  جیڈھ آنی گر ءُ دار  کنگ ءَ کوشست کناں، بنجاھی وزیر ھزانگ حماد اظہر ءِ پریس کانفرنس

اسلام آباد۔31مارچ (اے پی پی):حکومت  ءَ پیٹرول ءُ ڈیزل ءِ نیاد آنی تہ ءَ کمی ءُ بھارت ءَ چہ شکر ءُ پُکی "کپاس” ءِ درآمد کنگ ءِ جار جتگ، گندم ءِ کمکی نیاد 1800 کلدار یک من  گیشنیگ بوتگ، بھارت ءَ چہ 5 لکھ ٹن شکر درآمد کنگ بیت، گران بھائی ءُ  نیاد آنی تہ ءَ گیشی ءِ ھوالگ ءَ جیڈھ آنی گیش ءُ گیوار کنگ ءِ  ھاترا  گیشاں چہ گیش  کوشست کناں۔  ھمک پیسلہ  ءُ ھمک پالیشی پاکستان ءِ دیمروئی ءُ لس مردم ءِ  آسودگی  ءُ گہتری ءِ بنیات ءَ  کنگ بیت۔  حفیظ شیخ ءِ شرپ ءُ ازت ءَ کناں، آئی ءَ گوشت کہ معیشت ءَ را راستیں نیمگ ءَ رھادگ کنگ ءِ واستہ  گیشاں چہ گیش ازمت کتگ، آئی ءِ قابلیت ءُ راست بوھگ ءَ را اچ کس اِناں کت نہ کنت، وزارت ءِ  مٹی مزن وزیر ءِ  مسترئی انت۔  اے گپ  بنجاھی وزیر ھزانگ  حماد اظہر ءَ وزیر ءِ ھزانگ ءِ سیٹ ءَ را گرگ ءَ چہ پد  چار شمبے ءِ روچ ءَ ادا  وتی اولی پریس کانفرنس ءَ گوں تران کنان ءَ کت۔