مزن وزیر عمران خان ءِ سروکی ءَ الیکٹرانک ووٹنگ مشین سہرا کنگ ءِ ھوالگ ءَ دیوان، ملکی جمہوری ءُ گچین کاری  کار نوں اے چیز ءِ پکاریگ بوت نہ کنگ کہ ھما نظام ءِ سر ءَ  لنک چست کنگ ءُ سوال پرس کنگ بہ بیت، مزن وزیر عمران خان

اسلام آباد۔31مارچ (اے پی پی): مزن وزیر عمران خان ءَ گوشت کہ ملکی جمہوری ءُ گچین کاری  کار نوں اے وڑیں کار رپک ءِ پکاریگ بوت نہ کنت ھمائی کہ سر ءَ لنکک چست کنگ ءُسوال پرس کنگ بہ بیت۔   گوستگیں وھد ءِ تجروبت ءِ رد ءَ گچین کار کار ءَ را ھمک وڑ ءَ  ساپ ءُ سلہ، محفوظ ءُ گیر جانبدار  کنگ ءِ واستہ الیکٹرانک ووٹنگ مشین سہرا کنگ جمہوری ءِ سیت ءَ انت۔  الیکٹرانک مشین ءَ  را نوکیں سیکورٹی فیچر ءَ گوں پجاروکی کنگ ءِ کوشست آناں گیش ترند کنگ بہ بیت ءُ دیمروئی کنوکیں ملک آنی تجروبت آناں دیم ءَ ایر کنگ بہ بیت۔  اے ھیالانی درشانی آئی ءَ چار شمبے ءِ روچ ءَ الیکٹروانک ووٹنگ مشین سہرا کنگ ءِ ھوالگ ءَ دیوان ءِ پاگواجئی ءَ کنان ءَ کت۔   دیوان ءَ بنجاھی وزیر برائے سائنس ءُ ٹیکنالوجی فواد حسین ءَ مزن وزیر ءَ را کامسیٹس ءُ نیشنل انسٹی ٹیوٹ آف الیکٹرعانکس ءِ نیمگ ءَ تیار کتگیں الیکٹرانک ووٹنگ مشین ، ووٹنگ ءِ کار رپک  ءُ  مشین  ءِ جتا جتائیں فیچرز آنی بابت ءَ سرجمیں بریفنگ دات۔