مزن وزیرعمران ءِ سروکی ءَ کوویڈ نیشنل کوآرڈینیشن ءِ دیوان

کورونا ایس او پیز ءِ سرءَ الم عمل کنگ بہ بیت، مزن وزیر عمران خان

اسلام آباد۔31مارچ (اے پی پی): مزن وزیر عمران خان ءَ گوں اُلس ءَ دزبندی کتگ کہ کورونا ایس او پیز ءِ سر ءَ الم عمل کنگ بہ بیت، کورونا ءِ سئمی فیز ءَ اے ھوپ ءَ را گرءُ دار کنگ ءِ ہوالگ ءَ ملکی معاشی جاورھال ءُ حاس لھس مھلوک ءِ جیڑ ہ ءُ جنجالاں دیما ایر کنگ ءُ گامگیج چست کنگ لوٹ ایت، مے سرجمیں دلگوشی نیزگاریں اُلس ءَ را کمک ءُ ریلیف سر کنگ اِنت۔ اے ھیالانی درشانی آئی ءَ چارشمبے ءِ روچءَ  کوویڈ  نیشنل کوآرڈینیشن  کمیٹی ءِ دیوان ءِ سروکی کنان ءَ کتگ۔

مزن وزیر ءَ گوشت کہ کورونا ءِ سیمی فیز ءِ مقابلہ کنگ ءِ رد ءَ  درستاں چہ مستریں ترس ءُ بیم اے ھوپ ءِ شنگ ءُ تالان بوھگ ءَ را گر ءُ دار کنگ ءُ ماسک ءِ  کارمردی انت۔ دیوان ءَ مزن وزیر ءَ را ملک ءَ کورونا ھوپ ءِ شنگ ءُ تالانی ءِ جاور ھال، پازیٹیو کیس آنی کساس، کویڈ ویکسین ءِ پجاری ءُ الس ءَ را  پجارینگ ءُ آیوکیں باندات ءَ ویکیسن ءِ  است بوھگ ءَ را دل یکیم ءُ دلجمی ءِ ھوالگ ءَ کتگیں گامگیج  ءُ پڑ ءَ کورونا ءِ سیمی فیز ءَ چہ پد جاور ھال آنی سر ءَ  بریفنگ دیگ بوت۔  مزن وزیر ءَ اے گپ ءِ سر ءَ نہ وشی ءِ درشان کت کہ الس  ایس ءُ پیز آنی  آنی پد ءُ رند ءَ کشت ءُ گوش کنگ ءَ انت۔  مزن وزیر ءَ گوشت کہ کرورنا ایس او پیز آنی پد ءُ رند کنگ ءِ  ھاترا جوانیں سرپد گامگیج بندات کنگ بہ بیت۔