وزیر خارجہ مخدوم شاہ محمود قریشی نا تاجک پارلیمنٹ مجلس نمائندگان نا چیئرمین ذاکر زادہ محمد طاہر ظاہر تون اوڑدہی

دوشنبے۔ 31مارچ (اے پی پی) وزیر خارجہ مخدوم شاہ محمود قریشی دوشنبے ٹی تاجک پارلیمنٹ، مجلس نمائندگان نا چیئرمین ذاکر زادہ محمدطاہر ظاہر تون اوڑدہی کرے۔ اوڑدہی ٹی ہڑتوم آ کنڈآتا پارلیمانی رابطہ غاتا مون آ دننگ تون اوار تین پہ تینی است خواہی نا باندات آ گپ وتران مس۔ فریق آک ہڑتوم آ کنڈآتا تعلقداری تا سوگوی کن پاکستان و تاجکستان نا نیام اٹ پارلیمان نا کہول آ رابطہ غاتا مون آ دننگ نا گرج آ زور شاغار۔ وزیر خارجہ پارے کہ پاکستان و تاجکستان نا نیام اٹ پارلیمانی کہول آ تعلقداری تا مون آ دننگ کن، مست آن ساڑی“ پارلیمانی فرینڈ شپ گروپ“ ءِ پین سوگو و فعال کننگ مریک۔ وزیر خارجہ پاکستان و تاجکستان نا پارلیمان نا نیام اٹ، و اقتصادی کمکار تنظیم نا پارلیمانی اسمبلی (IPU) انٹر پارلیمنٹرینیونین، (APU)ایشین پارلیمنٹری اسمبلی (PEACO) کون آ اہم فورم تیا ہڑتوم آ کنڈآتا رابطہ غاتا ستاءِ کرسا اودے پین سوگو کننگ نا گرج آ زور شاغا۔ وزیر خارجہ چیئرمین مجلس نمائندگان، تاجکستانءِ داکان مست اسپیکر قومی اسمبلی نا کنڈآن اپریل نا تُو اٹی پاکستان اٹی گمانی ارٹ میکو پارلیمانی جنرل کانفرنس اٹ بشخ ہلنگ نا سلہ نا درشانی ءِ کرے۔ چیئرمین مجلس نمائندگان تاجکستان وزیر خارجہ نا کنڈآن پاکستان اٹ اڈ ہلوک پارلیمانی کانفرنس نا سلہ نا درشانی ءِ کننگ نا خیرمقدم ءِ کرسا وزیر خارجہ نا منت واری ءِ ہرفے۔ داکان مست وزیر خارجہ مخدوم شاہ محمود قریشی تاجکستان نا دارالحکومت دوشنبے ٹی تاجک سلطنت نا بانی اسماعیل سامانی نایات گار نا دورہ ءِ کرے۔ وزیر خارجہ اسماعیل سامانی ءِ خراج تحسین پیش کننگ کن یات گار آ پھل شاغا۔ سیکرٹری خارجہ سہیل محمود، تاجکستان اٹ تعینات پاکستانی سفیر عمران حیدر و وزارت خارجہ نا سینئر آفیسر آک ہم داوخت آ ساڑی ئسر۔