اسلام آباد۔ 31مارچ (اے پی پی) پاک بحریہ نا جہاز پی این ایس نصر براعظم افریقہ نا چندی ملک آتیٹی خیرخواہی نا جوزہ نا شاندار مظاہرہ کرسا کینیا غا سرمس۔ کینیا نا بندرگاہ ممبا سا غا سرمننگ آ میزبان بحریہ نا کمامدارآک پاکستانی سفیر تون اوار جہاز ءِ والہانہ بخیرکریر۔ ترجمان پاک بحریہ نا رداٹ پاک بحریہ نا مشن کمانڈر کمانڈر کینیا نیوی تون اوار بڑزکو سول و عسکری …
پاک بحریہ نا جہاز پی این ایس نصرکینیا غا سرمس
گیشتریں ھال
اسلام آباد۔ 31مارچ (اے پی پی) پاک بحریہ نا جہاز پی این ایس نصر براعظم افریقہ نا چندی ملک آتیٹی خیرخواہی نا جوزہ نا شاندار مظاہرہ کرسا کینیا غا سرمس۔ کینیا نا بندرگاہ ممبا سا غا سرمننگ آ میزبان بحریہ نا کمامدارآک پاکستانی سفیر تون اوار جہاز ءِ والہانہ بخیرکریر۔ ترجمان پاک بحریہ نا رداٹ پاک بحریہ نا مشن کمانڈر کمانڈر کینیا نیوی تون اوار بڑزکو سول و عسکری کمامدارآتون اوڑدہی کرے ہراٹی تین پہ تینی است خواہی نا باندات و ہڑتوم آ کنڈآتا بحری کمکاری آ گپ وتران کننگا۔ مشن کمانڈر حکومت پاکستان و سروک پاک بحریہ نا کنڈآن کینیا نا الس کن خیرخواہی نا کلہو ءِ سرکرے۔ مقبوضہ کشمیراٹی بھارتی ظلم و اوڑآ پاکستانی موقف آن ہم میزبان کمامدارآتے معلومدار کننگا۔ دادورہ نامسخت حکومت پاکستان نا (Engage Africa)پالیسی نا رداٹ افریقی ملک آتون ہڑتوم آ کنڈآتا تعلقداری نا مون آ دننگ و تینپہ تینی و کمکاری نا پوسکن ءُ کسر پٹنگ ءِ۔
