مستین نا حکومت آک اسُل ورناتے واکدار کننگ کن سجفتوس، پاکستان تحریک انصاف نا راہشون عثمان ڈار

اسلام آباد۔ 31مارچ (اے پی پی) پاکستان تحریک انصاف نا راہشون عثمان ڈار پارینے کہ مستین نا حکومت آک اسُل ورناتے واکدار کننگ نا سجفتوس، تدوک آ حکومت اٹی بیرہ خیبرپختونخواٹییوتھ اکن کاریم کننگا، بنجائی وزیر اسد عمر ہرکہول آ ننا راہشونی ءِ کرے، نیشنلیوتھ کونسل جوڑ کننگ نا اعزاز وزیراعظم عمران خان ءِ ملک۔ داخیال آتا درشانی ءِ او یوتھ ایکشن ایجنڈا ءِ اولیت تننگ آ بڑزکو کہولی پالیسی فورم نا دیوان آن تران کرسا کرے۔ عثمان ڈار پارے کہ مستین نا حکومت آک اسُل ورناتے واکدار کننگ نا سجفتوس۔ حکومت ورناتے واکدار کننگ کن 100ارب روپئی مالیت نا وام اسکیم نا بناءِ کرے۔ اسکیم اٹی 25 ارب روپئی زالبول آتیکن جتا کننگانے۔ عثمان ڈار پارے کہ داتم اسکان 8 ہزار آن زیات ورنادااسکیم نا رداٹ تینا جند انا کاروبار نا بناءِ کرینو و پین 7 آن 8 ہزار ورناتے جون اسکان وام تا فراوانی مریک۔ پاکستان اٹی اولیکو وار نیشنلیوتھ ڈویلپمنٹ انڈیکس اس شین تننگ انگ ءِ۔ ورناتے روزگار نا فراوانی کن Next نا پن اٹ جاب پورٹل اس اڈتسونن۔ ورناتا راجی آسراتی کن قومی کہول آ اسہ ادارہ اسے نا جوڑ کننگ بھاز المی ءِ۔ ننے چندی وزارت آتیٹی ورناتیکن ادارہ جاتی اصلاحات نا گرج ءِ۔