یوتھ ایکشن ایجنڈا ءِ اولیت تننگ آ بڑزکو کہولی پالیسی فورم نا دیوان بنجائی وزیر اسد عمر نا کماشی ٹی اڈ ہلک

اسلام آباد۔ 31مارچ (اے پی پی) یوتھ ایکشن ایجنڈا ءِ اولیت تننگ آ بڑزکو کہولی پالیسی فورم نا دیوان بنجائی وزیر ڈٹ بندی شونداری و خصوصی گام گیج اسد عمر نا کماشی ٹی اڈ ہلک۔ دیوان اٹی تحریک انصاف نا راہشون عثمان ڈار، ڈپٹی چیئرمین پلاننگ کمیشن محمد جہانزیب خان، پارلیمانی سیکرٹری وزارت ڈٹ بندی، پارلیمانی سیکرٹری بین الصوبائی رابطہ کمیٹی صائمہ ندیم، پارلیمانی سیکرٹری جان جوڑی ڈاکٹر نوشین حامد و چندی وزارت آتا سینئر آفیسر آک بشخ ہلکر۔ دیوان اٹ بنجائی وزیر پارے کہ وزیراعظم نا مچ آ جہد ورناتے واکدار کننگ کن ءِ۔ ورناتے فیصلہ سازی ٹی اوار کننگک۔ عملدرآمد، مانیٹرنگ پالیسی ٹی ورناتا اوار مننگ بھاز المی ءِ۔ اوپارے کہ ورناک ننتون اواری اٹ ہمو پالیسی تے جوڑ کیرہ ہرااوفتا گرج مریک۔ یوتھ اکن وام تا فراوانی نا وڑوڈول بھاز شفاف و میرٹ نا بنداو آ کننگانے۔ پنجا ہزار ورناتسکان سرمننگ سرسہب ورنا پروگرام نا سرسہبی ءِ۔ اسد عمر پارے کہ یوتھ انا اوار مننگ ءِ پین گچین کننگ نا گرج ءِ۔ داملک ورناتا ءِ و اوفتا آخبت ءِ روشنائی کننگ حکومت نا اولیت ءِ۔ عثمان ڈار یوتھ انا پروگرام ءِ ہلسا جم و جوش اٹ کاریم کننگ ءِ ہرا ستاکڑزک۔