کوشست ءِ کہ روچہ مبارک آن پد رویت ہلال آ کانود سازی پورو مرے، بنجائی وزیر مذہبی امور پیر نور الحق قادری

اسلام آباد۔ 31مارچ (اے پی پی) رویت ہلال نا معاملہ غا امنائی سلاہ کن سلابتی دیوان چارشنبے نادے آ وزارت مذہبی امور اٹی مس۔ دیوان ناکماشی ءِ بنجائی وزیر مذہبی امور پیر نورالحق قادری کرے۔ دیوان اٹی مرکزی رویت ہلال کمیٹی، سپارکو، محکمہ موسمیات، وزارت سائنس، صوبائی اوقاف و نجی کمیٹی تا نمائندہ غاک بشخ ہلکر۔ داوخت آ وزیر مذہبی امور پارے کہ دیوان اٹی شاہدی نا وڑوڈول، شاہدی نا انتظارنا مدو پوسکن آ ازباب آتا کاریم اٹ اتنگ آ شرہ کننگانے۔ کوشست ءِ کہ روچہ مبارک آن پد رویت ہلال آ کانود سازی پورو مرے۔ نن قوم ءِ پاننگ خوانہ کہ حکومت ملییکجہتی و قومی مفاہمت کن متاماری کننگ ءِ۔