برجامالی سال اٹی پاکستان اٹی برطانوی کمپنی تا کنڈآن کٹیا نا پیشن نا ملک گدریفنگ اٹ 123.1ملین ڈالر ودکی مس، اسٹیٹ بینک آف پاکستان

اسلام آباد۔ 31مارچ (اے پی پی) برجامالی سال اٹی پاکستان اٹی کاریم کروک آ برطانوی کمپنی تا کنڈآن کٹیا تا پیشن نا ملک گدریفنگ اٹ 123.1ملین ڈالر ودکی مسنے۔ ہنداوڑ امریکی کمپنی تا کنڈآن ہم 49.7ملین دالر نا زیات کٹیا پیشن نا ملک آ گدریفنگانے۔ اسٹیٹ بینک آف پاکستان(ایس بی پی) نا حساب وکتاب نا رداٹ برجامالی سال انا کاریم کروک آ برطانوی کمپنیک 362.3ملین ڈالر نا کٹیا پیشن نا ملک آ گدریفینو وخت اس کہ تدوک آ مالیسال اٹی جولائی آن فروری 2019-20ء نا وخت آ دا مد اٹی 239.2ملین ڈالر پیشن نا ملک آ گدریفنگاسس۔ ہنداوڑ تدوک آ مالی سال انا مقابلہ ٹی اینخو مالی سال انا اولیکو 8 تُو اٹی پاکستان اٹی کاریم کروک آ برطانوی کمپنی تا کنڈآن کٹیا تا پیشن نا ملک آ گدریفنگ اٹ 123.1ملین ڈالر نا ودکی ریکارڈ کننگانے۔ ایس بی پی نا رداٹ ہندا وڑ قومی زرگزران نا چندی بشخ آتیٹی خذمت فراوان کروک آ امریکی کمپنی تا کنڈآن ہم کٹیا تا پیشن نا ملک آ گدریفنگ اٹ 49.7ملین ڈالر نا ودکی مسنے و کٹیا تا پیشن نا ملک آ گدریفنگ نا کچ جولائی آن فروری 2019-20ء ٹی 145.9ملین ڈالر مسوسس ہرا برجامالی سال اٹی جولائی آن فروری 2020-21ء ٹی 195.6ملین ڈالر اسکان ودا۔