بلوچستان اٹییونیورسل ہیلتھ کوریج پروگرام نا فائدہ غاتے دیرپاگچین کننگ کن نافذ کننگ آن مست شین کروک جاچکاری حوال نا غٹ پلو آتا سنجیدگی اٹ احاطہ ءِ کروئی مریک، پارلیمانی سیکرٹری جان جوڑی ڈاکٹر ربابہ خان بلیدی

کوئٹہ۔ 31مارچ (اے پی پی) پارلیمانی سیکرٹری جان جوڑی ڈاکٹر ربابہ خان بلیدی پارینے کہ بلوچستان اٹییونیورسل ہیلتھ کوریج پروگرام نا فائدہ غاتے دیرپاگچین کننگ کن نافذ کننگ آن مست شین کروک جاچکاری حوال نا غٹ پلو آتا سنجیدگی اٹ احاطہ ءِ کروئی مریک و دانا رداٹ ہندن ءُ عمل نا قابل حکمت عملی اس شین کروئی مریک ہراڑآن آخبت اٹ ہم دا اہم پروگرام نا فائدہ غاک پورو وڑاٹ برجاسلرو دانا فائدہ ہرفوک آتے مشکل آتون مون تروئی تمپ، بلوچستان نا زمینی حالیت ایلو صوبہ غاتا نسبت جتا و پیچیدہ ءِ ہنداخاطرآن یو ایچ سی نا بابت ننے تینا قابل عمل اسٹریٹجی ءِ شین ترسا داڑآ پورو تندہی اٹ گام گیج کروئی مریک۔ داخیال آتا درشانی ءِ او یونیورسل ہیلتھ کوریج پروگرام نا بابت بلوچستان نا رداٹ شین کروک جاچ رپورٹ نا سلابتی نشست آن تران کرسا کرے داوخت آ یونیورسل ہیلتھ کوریج پروگرام اسلام آباد نا ٹیکنیکلٹیم باسک آتیان بیدس ڈاکٹر صفی، ڈاکٹر زیدی، بلوچستان آن ڈائریکٹر جنرل ہیلتھ سروسز ڈاکٹر علی ناصر بگٹی، پی پی ایچ آئی بلوچستان نا سروک عزیز احمد جمالی ئسک ہم ایلو ترانکار آتیٹی اوار ئسر۔ پارلیمانی سیکرٹری جان جوڑی ڈاکٹر ربابہ خان بلیدی پارے کہ یونیورسل ہیلتھ کوریج پروگرام شکبری آن ایڑتر ملک انا تاریخ ا ٹ تینا وڑنااسٹ انگا اسہ ہندن ءُ بھلو کوریج پروگرام اسے ہرانا دنگ بھلن ءِ، داپروگرام ءِ سرسہبی آن ہمکنار کننگ کن نافذ کننگ آن مست غٹ پلو آتا جاچ ءِ ہلسا غٹ سقم تے مرکروئی مریک داپروگرام پرائمری ہیلتھ کیئر تون وابستہ ءِ ہنداخاطرآن بنداوی کہول آ جان جوڑی نا آب اٹ آسراتی تا فراوانی و گچینی کن داسہ تاخیر نا ہچ ءُ گنجائشت اس اف یو ایچ سی نا نفاذ آن پد ننے دامشن ءِ بے پک حالیتیا نزوری نا زی آ ہلوئی اف بلکن دادے السی مشکل آتا ایسری نا گچین ءُ وسیلہ اس پک کروئی ءِ، ڈاکٹر ربابہ خان بلیدی پارے کہ بلوچستان اٹی آب اٹ طبی آسراتی تا فراوانی کن سنبرینگوک اُن و ننا کوشست ءِ کہ سرکاری کہول آ الس ءِ جان جوڑی نا آب اٹ سروسز فراوان کرسا حقی وڑاٹ ڈلیوکیر۔ پارلیمانی سیکرٹری جان جوڑی بلوچستان ڈاکٹر ربابہ خان بلیدییونیورسلہیلتھ کوریجپروگرام نا اڈتننگ آ منتظمین ءِ خراج تحسین پیش کرسا حکومت بلوچستان نا کنڈآن ہروڑنا کمکاری نا باوری کرفے۔