کیمبرج نا اولیول /آئی جی سی ایس ای نا امتحانک 10 مئی آن بناکیرہ، بنجائی وزیر تعلیم و کسبی تربیت شفقت محمود

اسلام آباد۔ 30 مارچ (اے پی پی) بنجائی وزیر تعلیم و کسبی تربیت شفقت محمود پارینے کہ کیمبرج نا اولیول /آئی جی سی ایس ای نا امتحانک 10 مئی آن بناکیرہ۔ کیمبر ج نا چیف ایگزیکٹو آفیسر کرسٹین اوزڈن نا درخواست آ اولیول، آئی جی سی ایس ای نا امتحانک داسہ 15 مئی نا جاگہ غا 10 مئی آن بناکیرہ۔ اوتینا اسہ ٹویٹ اسے ٹی پارے کہ کنے کیمبرج نا چیف ایگزیکٹو آفیسر نا چھٹی رسینگا ہراٹی او درخواست کرے کہ اولیول، آئی جی سی ایس ای نا امتحان تے 15 مئی نا جاگہ غا 10 مئی آن بناکننگ نا موکل تننگے ہراڑآ صوبہ غاتون سلابت کرسا دادرخواست ءِ امنا کننگا۔ داکان بیدس ہائر ایجوکیشن کمیشن پڑو کرینے کہ غٹ یونیورسٹیک 11 اپریل اسکان آن لائن تعلیمی سرجزآتے برجاتخک ولے کورونا نا زیات مثبت کیس والا علاقہ غاتیٹی امتحانک مفسہ۔